1Εν εκεινῳ τῳ καιρῳ ηκουσεν Ηρῳδης ο τετρααρχης την ακοην Ιησου, 2και ειπεν τοις παισιν αυτου Ουτος εστιν Ιωανης ο Βαπτιστης· αυτος ηγερθη απο των νεκρων, και δια τουτο αι δυναμεις ενεργουσιν εν αυτῳ. 3Ο γαρ Ηρῳδης κρατησας τον Ιωανην εδησεν και εν φυλακῃ απεθετο δια Ηρῳδιαδα την γυναικα Φιλιππου του αδελφου αυτου· 4ελεγεν γαρ ο Ιωανης αυτῳ Ουκ εξεστιν σοι εχειν αυτην. 5και θελων αυτον αποκτειναι εφοβηθη τον οχλον, οτι ως προφητην αυτον ειχον. 6γενεσιοις δε γενομενοις του Ηρῳδου ωρχησατο η θυγατηρ της Ηρῳδιαδος εν τῳ μεσῳ και ηρεσεν τῳ Ηρῳδῃ, 7οθεν μεθ ορκου ωμολογησεν αυτῃ δουναι ο εαν αιτησηται. 8η δε προβιβασθεισα υπο της μητρος αυτης Δος μοι, φησιν, ωδε επι πινακι την κεφαλην Ιωανου του Βαπτιστου. 9και λυπηθεις ο βασιλευς δια τους ορκους και τους συνανακειμενους εκελευσεν δοθηναι, 10και πεμψας απεκεφαλισεν Ιωανην εν τῃ φυλακῃ. 11και ηνεχθη η κεφαλη αυτου επι πινακι και εδοθη τῳ κορασιῳ, και ηνεγκεν τῃ μητρι αυτης. 12και προσελθοντες οι μαθηται αυτου ηραν το πτωμα και εθαψαν αυτον, και ελθοντες απηγγειλαν τῳ Ιησου. 13Ακουσας δε ο Ιησους ανεχωρησεν εκειθεν εν πλοιῳ εις ερημον τοπον κατ ιδιαν· και ακουσαντες οι οχλοι ηκολουθησαν αυτῳ πεζῃ απο των πολεων. 14Και εξελθων ειδεν πολυν οχλον, και εσπλαγχνισθη επ αυτοις και εθεραπευσεν τους αρρωστους αυτων. 15οψιας δε γενομενης προσηλθον αυτῳ οι μαθηται λεγοντες Ερημος εστιν ο τοπος και η ωρα ηδη παρηλθεν· απολυσον ουν τους οχλους, ινα απελθοντες εις τας κωμας αγορασωσιν εαυτοις βρωματα. 16ο δε Ιησους ειπεν αυτοις Ου χρειαν εχουσιν απελθειν· δοτε αυτοις υμεις φαγειν. 17οι δε λεγουσιν αυτῳ Ουκ εχομεν ωδε ει μη πεντε αρτους και δυο ιχθυας. 18ο δε ειπεν· Φερετε μοι ωδε αυτους. 19και κελευσας τους οχλους ανακλιθηναι επι του χορτου, λαβων τους πεντε αρτους και τους δυο ιχθυας, αναβλεψας εις τον ουρανον ευλογησεν, και κλασας εδωκεν τοις μαθηταις τους αρτους, οι δε μαθηται τοις οχλοις. 20και εφαγον παντες και εχορτασθησαν, και ηραν το περισσευον των κλασματων δωδεκα κοφινους πληρεις. 21οι δε εσθιοντες ησαν ανδρες ωσει πεντακισχιλιοι χωρις γυναικων και παιδιων. 22Και ευθεως ηναγκασεν τους μαθητας εμβηναι εις το πλοιον και προαγειν αυτον εις το περαν, εως ου απολυσῃ τους οχλους. 23και απολυσας τους οχλους ανεβη εις το ορος κατ ιδιαν προσευξασθαι. οψιας δε γενομενης μονος ην εκει. 24το δε πλοιον ηδη σταδιους πολλους απο της γης απειχεν, βασανιζομενον υπο των κυματων, ην γαρ εναντιος ο ανεμος. 25τεταρτῃ δε φυλακῃ της νυκτος ηλθεν προς αυτους περιπατων επι την θαλασσαν. 26οι δε μαθηται ιδοντες αυτον επι της θαλασσης περιπατουντα εταραχθησαν λεγοντες οτι Φαντασμα εστιν, και απο του φοβου εκραξαν. 27ευθυς δε ελαλησεν ο Ιησους αυτοις λεγων Θαρσειτε, εγω ειμι· μη φοβεισθε. 28αποκριθεις δε αυτῳ ο Πετρος ειπεν Κυριε, ει συ ει, κελευσον με ελθειν προς σε επι τα υδατα. 29ο δε ειπεν Ελθε. και καταβας απο του πλοιου Πετρος περιεπατησεν επι τα υδατα και ηλθεν προς τον Ιησουν. 30βλεπων δε τον ανεμον εφοβηθη, και αρξαμενος καταποντιζεσθαι εκραξεν λεγων Κυριε, σωσον με. 31ευθεως δε ο Ιησους εκτεινας την χειρα επελαβετο αυτου και λεγει αυτῳ Ολιγοπιστε, εις τι εδιστασας; 32και αναβαντων αυτων εις το πλοιον εκοπασεν ο ανεμος. 33οι δε εν τῳ πλοιῳ προσεκυνησαν αυτῳ λεγοντες Αληθως Θεου Υιος ει. 34Και διαπερασαντες ηλθον επι την γην εις Γεννησαρετ. 35και επιγνοντες αυτον οι ανδρες του τοπου εκεινου απεστειλαν εις ολην την περιχωρον εκεινην, και προσηνεγκαν αυτῳ παντας τους κακως εχοντας, 36και παρεκαλουν αυτον ινα μονον αψωνται του κρασπεδου του ιματιου αυτου· και οσοι ηψαντο διεσωθησαν.