1Ταυτα ειπων Ιησους εξηλθεν συν τοις μαθηταις αυτου περαν του χειμαρρου των Κεδρων, οπου ην κηπος, εις ον εισηλθεν αυτος και οι μαθηται αυτου. 2ῃδει δε και Ιουδας ο παραδιδους αυτον τον τοπον, οτι πολλακις συνηχθη Ιησους εκει μετα των μαθητων αυτου. 3ο ουν Ιουδας λαβων την σπειραν και εκ των αρχιερεων και εκ των Φαρισαιων υπηρετας ερχεται εκει μετα φανων και λαμπαδων και οπλων. 4Ιησους ουν ειδως παντα τα ερχομενα επ αυτον εξηλθεν και λεγει αυτοις Τινα ζητειτε; 5απεκριθησαν αυτῳ Ιησουν τον Ναζωραιον. λεγει αυτοις Εγω ειμι. ειστηκει δε και Ιουδας ο παραδιδους αυτον μετ αυτων. 6ως ουν ειπεν αυτοις Εγω ειμι, απηλθαν εις τα οπισω και επεσαν χαμαι. 7παλιν ουν επηρωτησεν αυτους Τινα ζητειτε; οι δε ειπαν Ιησουν τον Ναζωραιον. 8απεκριθη Ιησους Ειπον υμιν οτι εγω ειμι· ει ουν εμε ζητειτε, αφετε τουτους υπαγειν· 9ινα πληρωθῃ ο λογος ον ειπεν, οτι Ους δεδωκας μοι, ουκ απωλεσα εξ αυτων ουδενα. 10Σιμων ουν Πετρος εχων μαχαιραν ειλκυσεν αυτην και επαισεν τον του αρχιερεως δουλον και απεκοψεν αυτου το ωταριον το δεξιον. ην δε ονομα τῳ δουλῳ Μαλχος. 11ειπεν ουν ο Ιησους τῳ Πετρῳ Βαλε την μαχαιραν εις την θηκην· το ποτηριον ο δεδωκεν μοι ο Πατηρ, ου μη πιω αυτο; 12Η ουν σπειρα και ο χιλιαρχος και οι υπηρεται των Ιουδαιων συνελαβον τον Ιησουν και εδησαν αυτον, 13και ηγαγον προς Ανναν πρωτον· ην γαρ πενθερος του Καιαφα, ος ην αρχιερευς του ενιαυτου εκεινου· 14ην δε Καιαφας ο συμβουλευσας τοις Ιουδαιοις οτι συμφερει ενα ανθρωπον αποθανειν υπερ του λαου. 15Ηκολουθει δε τῳ Ιησου Σιμων Πετρος και αλλος μαθητης. ο δε μαθητης εκεινος ην γνωστος τῳ αρχιερει, και συνεισηλθεν τῳ Ιησου εις την αυλην του αρχιερεως, 16ο δε Πετρος ειστηκει προς τῃ θυρᾳ εξω. εξηλθεν ουν ο μαθητης ο αλλος ο γνωστος του αρχιερεως και ειπεν τῃ θυρωρῳ, και εισηγαγεν τον Πετρον. 17λεγει ουν τῳ Πετρῳ η παιδισκη η θυρωρος Μη και συ εκ των μαθητων ει του ανθρωπου τουτου; λεγει εκεινος Ουκ ειμι. 18ειστηκεισαν δε οι δουλοι και οι υπηρεται ανθρακιαν πεποιηκοτες, οτι ψυχος ην, και εθερμαινοντο· ην δε και ο Πετρος μετ αυτων εστως και θερμαινομενος. 19Ο ουν αρχιερευς ηρωτησεν τον Ιησουν περι των μαθητων αυτου και περι της διδαχης αυτου. 20απεκριθη αυτῳ Ιησους Εγω παρρησιᾳ λελαληκα τῳ κοσμῳ· εγω παντοτε εδιδαξα εν συναγωγῃ και εν τῳ ιερῳ, οπου παντες οι Ιουδαιοι συνερχονται, και εν κρυπτῳ ελαλησα ουδεν. 21τι με ερωτᾳς; ερωτησον τους ακηκοοτας τι ελαλησα αυτοις· ιδε ουτοι οιδασιν α ειπον εγω. 22ταυτα δε αυτου ειποντος εις παρεστηκως των υπηρετων εδωκεν ραπισμα τῳ Ιησου ειπων Ουτως αποκρινῃ τῳ αρχιερει; 23απεκριθη αυτῳ Ιησους Ει κακως ελαλησα, μαρτυρησον περι του κακου· ει δε καλως, τι με δερεις; 24απεστειλεν ουν αυτον ο Αννας δεδεμενον προς Καιαφαν τον αρχιερεα. 25Ην δε Σιμων Πετρος εστως και θερμαινομενος. ειπον ουν αυτῳ Μη και συ εκ των μαθητων αυτου ει; ηρνησατο εκεινος και ειπεν Ουκ ειμι. 26λεγει εις εκ των δουλων του αρχιερεως, συγγενης ων ου απεκοψεν Πετρος το ωτιον Ουκ εγω σε ειδον εν τῳ κηπῳ μετ αυτου; 27παλιν ουν ηρνησατο Πετρος, και ευθεως αλεκτωρ εφωνησεν. 28Αγουσιν ουν τον Ιησουν απο του Καιαφα εις το πραιτωριον· ην δε πρωι· και αυτοι ουκ εισηλθον εις το πραιτωριον, ινα μη μιανθωσιν αλλα φαγωσιν το πασχα. 29εξηλθεν ουν ο Πειλατος εξω προς αυτους και φησιν Τινα κατηγοριαν φερετε του ανθρωπου τουτου; 30απεκριθησαν και ειπαν αυτῳ Ει μη ην ουτος κακον ποιων, ουκ αν σοι παρεδωκαμεν αυτον. 31ειπεν ουν αυτοις ο Πειλατος Λαβετε αυτον υμεις, και κατα τον νομον υμων κρινατε αυτον. ειπον αυτῳ οι Ιουδαιοι Ημιν ουκ εξεστιν αποκτειναι ουδενα· 32ινα ο λογος του Ιησου πληρωθῃ ον ειπεν σημαινων ποιῳ θανατῳ ημελλεν αποθνησκειν. 33Εισηλθεν ουν παλιν εις το πραιτωριον ο Πειλατος και εφωνησεν τον Ιησουν και ειπεν αυτῳ Συ ει ο Βασιλευς των Ιουδαιων; 34απεκριθη Ιησους Αφ εαυτου συ τουτο λεγεις, η αλλοι ειπον σοι περι εμου; 35απεκριθη ο Πειλατος Μητι εγω Ιουδαιος ειμι; το εθνος το σον και οι αρχιερεις παρεδωκαν σε εμοι· τι εποιησας; 36απεκριθη Ιησους· Η βασιλεια η εμη ουκ εστιν εκ του κοσμου τουτου· ει εκ του κοσμου τουτου ην η βασιλεια η εμη, οι υπηρεται αν οι εμοι ηγωνιζοντο, ινα μη παραδοθω τοις Ιουδαιοις· νυν δε η βασιλεια η εμη ουκ εστιν εντευθεν. 37ειπεν ουν αυτῳ ο Πειλατος Ουκουν βασιλευς ει συ; απεκριθη ο Ιησους Συ λεγεις οτι βασιλευς ειμι. εγω εις τουτο γεγεννημαι και εις τουτο εληλυθα εις τον κοσμον, ινα μαρτυρησω τῃ αληθειᾳ· πας ο ων εκ της αληθειας ακουει μου της φωνης. 38λεγει αυτῳ ο Πειλατος Τι εστιν αληθεια; Και τουτο ειπων παλιν εξηλθεν προς τους Ιουδαιους, και λεγει αυτοις Εγω ουδεμιαν ευρισκω εν αυτῳ αιτιαν. 39εστιν δε συνηθεια υμιν ινα ενα απολυσω υμιν εν τῳ πασχα· βουλεσθε ουν απολυσω υμιν τον Βασιλεα των Ιουδαιων; 40εκραυγασαν ουν παλιν λεγοντες Μη τουτον, αλλα τον Βαραββαν. ην δε ο Βαραββας λῃστης.