1Τοτε ουν ελαβεν ο Πειλατος τον Ιησουν και εμαστιγωσεν. 2και οι στρατιωται πλεξαντες στεφανον εξ ακανθων επεθηκαν αυτου τῃ κεφαλῃ, και ιματιον πορφυρουν περιεβαλον αυτον, 3και ηρχοντο προς αυτον και ελεγον Χαιρε ο Βασιλευς των Ιουδαιων· και εδιδοσαν αυτῳ ραπισματα. 4Και εξηλθεν παλιν εξω ο Πειλατος και λεγει αυτοις Ιδε αγω υμιν αυτον εξω, ινα γνωτε οτι ουδεμιαν αιτιαν ευρισκω εν αυτῳ. 5εξηλθεν ουν ο Ιησους εξω, φορων τον ακανθινον στεφανον και το πορφυρουν ιματιον. και λεγει αυτοις Ιδου ο ανθρωπος. 6οτε ουν ειδον αυτον οι αρχιερεις και οι υπηρεται, εκραυγασαν λεγοντες Σταυρωσον σταυρωσον. λεγει αυτοις ο Πειλατος Λαβετε αυτον υμεις και σταυρωσατε· εγω γαρ ουχ ευρισκω εν αυτῳ αιτιαν. 7απεκριθησαν αυτῳ οι Ιουδαιοι Ημεις νομον εχομεν, και κατα τον νομον οφειλει αποθανειν, οτι Υιον Θεου εαυτον εποιησεν. 8Οτε ουν ηκουσεν ο Πειλατος τουτον τον λογον, μαλλον εφοβηθη, 9και εισηλθεν εις το πραιτωριον παλιν και λεγει τῳ Ιησου Ποθεν ει συ; ο δε Ιησους αποκρισιν ουκ εδωκεν αυτῳ. 10λεγει ουν αυτῳ ο Πειλατος Εμοι ου λαλεις; ουκ οιδας οτι εξουσιαν εχω απολυσαι σε και εξουσιαν εχω σταυρωσαι σε; 11απεκριθη Ιησους Ουκ ειχες εξουσιαν κατ εμου ουδεμιαν ει μη ην δεδομενον σοι ανωθεν· δια τουτο ο παραδους με σοι μειζονα αμαρτιαν εχει. 12εκ τουτου ο Πειλατος εζητει απολυσαι αυτον· οι δε Ιουδαιοι εκραυγασαν λεγοντες Εαν τουτον απολυσῃς, ουκ ει φιλος του Καισαρος· πας ο βασιλεα εαυτον ποιων αντιλεγει τῳ Καισαρι. 13Ο ουν Πειλατος ακουσας των λογων τουτων ηγαγεν εξω τον Ιησουν, και εκαθισεν επι βηματος εις τοπον λεγομενον Λιθοστρωτον, Εβραιστι δε Γαββαθα. 14ην δε Παρασκευη του πασχα, ωρα ην ως εκτη· και λεγει τοις Ιουδαιοις Ιδε ο Βασιλευς υμων. 15εκραυγασαν ουν εκεινοι Αρον αρον, σταυρωσον αυτον. λεγει αυτοις ο Πειλατος Τον Βασιλεα υμων σταυρωσω; απεκριθησαν οι αρχιερεις Ουκ εχομεν βασιλεα ει μη Καισαρα. 16τοτε ουν παρεδωκεν αυτον αυτοις ινα σταυρωθῃ. Παρελαβον ουν τον Ιησουν· 17και βασταζων εαυτῳ τον σταυρον εξηλθεν εις τον λεγομενον Κρανιου τοπον, ο λεγεται Εβραιστι Γολγοθα, 18οπου αυτον εσταυρωσαν, και μετ αυτου αλλους δυο εντευθεν και εντευθεν, μεσον δε τον Ιησουν. 19εγραψεν δε και τιτλον ο Πειλατος και εθηκεν επι του σταυρου· ην δε γεγραμμενον ΙΗΣΟΥΣ Ο ΝΑΖΩΡΑΙΟΣ Ο ΒΑΣΙΛΕΥΣ ΤΩΝ ΙΟΥΔΑΙΩΝ. 20τουτον ουν τον τιτλον πολλοι ανεγνωσαν των Ιουδαιων, οτι εγγυς ην ο τοπος της πολεως οπου εσταυρωθη ο Ιησους· και ην γεγραμμενον Εβραιστι, Ρωμαιστι, Ελληνιστι. 21ελεγον ουν τῳ Πειλατῳ οι αρχιερεις των Ιουδαιων Μη γραφε Ο Βασιλευς των Ιουδαιων, αλλ οτι εκεινος ειπεν Βασιλευς ειμι των Ιουδαιων. 22απεκριθη ο Πειλατος Ο γεγραφα, γεγραφα. 23Οι ουν στρατιωται, οτε εσταυρωσαν τον Ιησουν, ελαβον τα ιματια αυτου και εποιησαν τεσσερα μερη, εκαστῳ στρατιωτῃ μερος, και τον χιτωνα. ην δε ο χιτων αραφος, εκ των ανωθεν υφαντος δι ολου. 24ειπαν ουν προς αλληλους Μη σχισωμεν αυτον, αλλα λαχωμεν περι αυτου τινος εσται· ινα η γραφη πληρωθῃ Διεμερισαντο τα ιματια μου εαυτοις και επι τον ιματισμον μου εβαλον κληρον. Οι μεν ουν στρατιωται ταυτα εποιησαν. 25ειστηκεισαν δε παρα τῳ σταυρῳ του Ιησου η μητηρ αυτου και η αδελφη της μητρος αυτου, Μαρια η του Κλωπα και Μαρια η Μαγδαληνη. 26Ιησους ουν ιδων την μητερα και τον μαθητην παρεστωτα ον ηγαπα, λεγει τῃ μητρι Γυναι, ιδε ο υιος σου. 27ειτα λεγει τῳ μαθητῃ Ιδε η μητηρ σου. και απ εκεινης της ωρας ελαβεν ο μαθητης αυτην εις τα ιδια. 28Μετα τουτο ειδως ο Ιησους οτι ηδη παντα τετελεσται, ινα τελειωθῃ η γραφη, λεγει Διψω. 29σκευος εκειτο οξους μεστον· σπογγον ουν μεστον του οξους υσσωπῳ περιθεντες προσηνεγκαν αυτου τῳ στοματι. 30οτε ουν ελαβεν το οξος ο Ιησους ειπεν Τετελεσται, και κλινας την κεφαλην παρεδωκεν το πνευμα. 31Οι ουν Ιουδαιοι, επει Παρασκευη ην, ινα μη μεινῃ επι του σταυρου τα σωματα εν τῳ σαββατῳ, ην γαρ μεγαλη η ημερα εκεινου του σαββατου, ηρωτησαν τον Πειλατον ινα κατεαγωσιν αυτων τα σκελη και αρθωσιν. 32ηλθον ουν οι στρατιωται, και του μεν πρωτου κατεαξαν τα σκελη και του αλλου του συνσταυρωθεντος αυτῳ· 33επι δε τον Ιησουν ελθοντες, ως ειδον ηδη αυτον τεθνηκοτα, ου κατεαξαν αυτου τα σκελη, 34αλλ εις των στρατιωτων λογχῃ αυτου την πλευραν ενυξεν, και εξηλθεν ευθυς αιμα και υδωρ. 35και ο εωρακως μεμαρτυρηκεν, και αληθινη αυτου εστιν η μαρτυρια, και εκεινος οιδεν οτι αληθη λεγει, ινα και υμεις πιστευητε. 36εγενετο γαρ ταυτα ινα η γραφη πληρωθῃ Οστουν ου συντριβησεται αυτου. 37και παλιν ετερα γραφη λεγει Οψονται εις ον εξεκεντησαν. 38Μετα δε ταυτα ηρωτησεν τον Πειλατον Ιωσηφ απο Αριμαθαιας, ων μαθητης του Ιησου κεκρυμμενος δε δια τον φοβον των Ιουδαιων, ινα αρῃ το σωμα του Ιησου· και επετρεψεν ο Πειλατος. ηλθεν ουν και ηρεν το σωμα αυτου. 39ηλθεν δε και Νικοδημος, ο ελθων προς αυτον νυκτος το πρωτον, φερων μιγμα σμυρνης και αλοης ως λιτρας εκατον. 40ελαβον ουν το σωμα του Ιησου και εδησαν αυτο οθονιοις μετα των αρωματων, καθως εθος εστιν τοις Ιουδαιοις ενταφιαζειν. 41ην δε εν τῳ τοπῳ οπου εσταυρωθη κηπος, και εν τῳ κηπῳ μνημειον καινον, εν ῳ ουδεπω ουδεις ην τεθειμενος· 42εκει ουν δια την Παρασκευην των Ιουδαιων, οτι εγγυς ην το μνημειον, εθηκαν τον Ιησουν.