1Ομοιως γυναικες, υποτασσομεναι τοις ιδιοις ανδρασιν, ινα και ει τινες απειθουσιν τῳ λογῳ, δια της των γυναικων αναστροφης ανευ λογου κερδηθησονται,
2εποπτευσαντες την εν φοβῳ αγνην αναστροφην υμων.
3ων εστω ουχ ο εξωθεν εμπλοκης τριχων και περιθεσεως χρυσιων η ενδυσεως ιματιων κοσμος,
4αλλ ο κρυπτος της καρδιας ανθρωπος εν τῳ αφθαρτῳ του πραεως και ησυχιου πνευματος, ο εστιν ενωπιον του Θεου πολυτελες.
5ουτως γαρ ποτε και αι αγιαι γυναικες αι ελπιζουσαι εις Θεον εκοσμουν εαυτας, υποτασσομεναι τοις ιδιοις ανδρασιν,
6ως Σαρρα υπηκουσεν τῳ Αβρααμ, κυριον αυτον καλουσα· ης εγενηθητε τεκνα αγαθοποιουσαι και μη φοβουμεναι μηδεμιαν πτοησιν.
7Οι ανδρες ομοιως συνοικουντες κατα γνωσιν ως ασθενεστερῳ σκευει τῳ γυναικειῳ, απονεμοντες τιμην ως και συνκληρονομοις χαριτος ζωης, εις το μη ενκοπτεσθαι τας προσευχας υμων.
8Το δε τελος παντες ομοφρονες, συμπαθεις, φιλαδελφοι, ευσπλαγχνοι, ταπεινοφρονες,
9μη αποδιδοντες κακον αντι κακου η λοιδοριαν αντι λοιδοριας, τουναντιον δε ευλογουντες, οτι εις τουτο εκληθητε ινα ευλογιαν κληρονομησητε.
10ο γαρ θελων ζωην αγαπαν και ιδειν ημερας αγαθας παυσατω την γλωσσαν απο κακου και χειλη του μη λαλησαι δολον,
11εκκλινατω δε απο κακου και ποιησατω αγαθον, ζητησατω ειρηνην και διωξατω αυτην·
12οτι οφθαλμοι Κυριου επι δικαιους και ωτα αυτου εις δεησιν αυτων, προσωπον δε Κυριου επι ποιουντας κακα.
13Και τις ο κακωσων υμας εαν του αγαθου ζηλωται γενησθε;
14αλλ ει και πασχοιτε δια δικαιοσυνην, μακαριοι. τον δε φοβον αυτων μη φοβηθητε μηδε ταραχθητε,
15Κυριον δε τον Χριστον αγιασατε εν ταις καρδιαις υμων, ετοιμοι αει προς απολογιαν παντι τῳ αιτουντι υμας λογον περι της εν υμιν ελπιδος,
16αλλα μετα πραυτητος και φοβου, συνειδησιν εχοντες αγαθην, ινα εν ῳ καταλαλεισθε καταισχυνθωσιν οι επηρεαζοντες υμων την αγαθην εν Χριστῳ αναστροφην.
17κρειττον γαρ αγαθοποιουντας, ει θελοι το θελημα του Θεου, πασχειν η κακοποιουντας.
18οτι και Χριστος απαξ περι αμαρτιων απεθανεν, δικαιος υπερ αδικων, ινα υμας προσαγαγῃ τῳ Θεῳ, θανατωθεις μεν σαρκι ζωοποιηθεις δε πνευματι·
19εν ῳ και τοις εν φυλακῃ πνευμασιν πορευθεις εκηρυξεν,
20απειθησασιν ποτε οτε απεξεδεχετο η του Θεου μακροθυμια εν ημεραις Νωε κατασκευαζομενης κιβωτου, εις ην ολιγοι, τουτ εστιν οκτω ψυχαι, διεσωθησαν δι υδατος.
21ο και υμας αντιτυπον νυν σῳζει βαπτισμα, ου σαρκος αποθεσις ρυπου αλλα συνειδησεως αγαθης επερωτημα εις Θεον, δι αναστασεως Ιησου Χριστου,
22ος εστιν εν δεξιᾳ Θεου, πορευθεις εις ουρανον, υποταγεντων αυτῳ αγγελων και εξουσιων και δυναμεων.