1Αποθεμενοι ουν πασαν κακιαν και παντα δολον και υποκρισεις και φθονους και πασας καταλαλιας,
2ως αρτιγεννητα βρεφη το λογικον αδολον γαλα επιποθησατε, ινα εν αυτῳ αυξηθητε εις σωτηριαν,
3ει εγευσασθε οτι χρηστος ο Κυριος.
4προς ον προσερχομενοι, λιθον ζωντα, υπο ανθρωπων μεν αποδεδοκιμασμενον παρα δε Θεῳ εκλεκτον εντιμον,
5και αυτοι ως λιθοι ζωντες οικοδομεισθε οικος πνευματικος εις ιερατευμα αγιον, ανενεγκαι πνευματικας θυσιας ευπροσδεκτους Θεῳ δια Ιησου Χριστου.
6διοτι περιεχει εν γραφῃ Ιδου τιθημι εν Σιων λιθον εκλεκτον ακρογωνιαιον εντιμον, και ο πιστευων επ αυτῳ ου μη καταισχυνθῃ.
7υμιν ουν η τιμη τοις πιστευουσιν· απιστουσιν δε λιθος ον απεδοκιμασαν οι οικοδομουντες, ουτος εγενηθη εις κεφαλην γωνιας
8και λιθος προσκομματος και πετρα σκανδαλου· οι προσκοπτουσιν τῳ λογῳ απειθουντες, εις ο και ετεθησαν·
9υμεις δε γενος εκλεκτον, βασιλειον ιερατευμα, εθνος αγιον, λαος εις περιποιησιν, οπως τας αρετας εξαγγειλητε του εκ σκοτους υμας καλεσαντος εις το θαυμαστον αυτου φως·
10οι ποτε ου λαος, νυν δε λαος Θεου, οι ουκ ηλεημενοι, νυν δε ελεηθεντες.
11Αγαπητοι, παρακαλω ως παροικους και παρεπιδημους απεχεσθαι των σαρκικων επιθυμιων, αιτινες στρατευονται κατα της ψυχης·
12την αναστροφην υμων εν τοις εθνεσιν εχοντες καλην, ινα εν ῳ καταλαλουσιν υμων ως κακοποιων, εκ των καλων εργων εποπτευοντες δοξασωσιν τον Θεον εν ημερᾳ επισκοπης.
13Υποταγητε πασῃ ανθρωπινῃ κτισει δια τον Κυριον· ειτε βασιλει ως υπερεχοντι,
14ειτε ηγεμοσιν ως δι αυτου πεμπομενοις εις εκδικησιν κακοποιων επαινον δε αγαθοποιων·
15οτι ουτως εστιν το θελημα του Θεου, αγαθοποιουντας φιμουν την των αφρονων ανθρωπων αγνωσιαν·
16ως ελευθεροι, και μη ως επικαλυμμα εχοντες της κακιας την ελευθεριαν, αλλ ως Θεου δουλοι.
17παντας τιμησατε, την αδελφοτητα αγαπατε, τον Θεον φοβεισθε, τον βασιλεα τιματε.
18Οι οικεται, υποτασσομενοι εν παντι φοβῳ τοις δεσποταις, ου μονον τοις αγαθοις και επιεικεσιν αλλα και τοις σκολιοις.
19τουτο γαρ χαρις ει δια συνειδησιν Θεου υποφερει τις λυπας πασχων αδικως.
20ποιον γαρ κλεος ει αμαρτανοντες και κολαφιζομενοι υπομενειτε; αλλ ει αγαθοποιουντες και πασχοντες υπομενειτε, τουτο χαρις παρα Θεῳ.
21εις τουτο γαρ εκληθητε, οτι και Χριστος επαθεν υπερ υμων, υμιν υπολιμπανων υπογραμμον ινα επακολουθησητε τοις ιχνεσιν αυτου·
22ος αμαρτιαν ουκ εποιησεν ουδε ευρεθη δολος εν τῳ στοματι αυτου·
23ος λοιδορουμενος ουκ αντελοιδορει, πασχων ουκ ηπειλει, παρεδιδου δε τῳ κρινοντι δικαιως·
24ος τας αμαρτιας ημων αυτος ανηνεγκεν εν τῳ σωματι αυτου επι το ξυλον, ινα ταις αμαρτιαις απογενομενοι τῃ δικαιοσυνῃ ζησωμεν· ου τῳ μωλωπι ιαθητε.
25ητε γαρ ως προβατα πλανωμενοι, αλλα επεστραφητε νυν επι τον Ποιμενα και Επισκοπον των ψυχων υμων.