1Ο ην απ αρχης, ο ακηκοαμεν, ο εωρακαμεν τοις οφθαλμοις ημων, ο εθεασαμεθα και αι χειρες ημων εψηλαφησαν, περι του Λογου της ζωης,— 2και η ζωη εφανερωθη, και εωρακαμεν και μαρτυρουμεν και απαγγελλομεν υμιν την ζωην την αιωνιον, ητις ην προς τον Πατερα και εφανερωθη ημιν,— 3ο εωρακαμεν και ακηκοαμεν, απαγγελλομεν και υμιν, ινα και υμεις κοινωνιαν εχητε μεθ ημων. και η κοινωνια δε η ημετερα μετα του Πατρος και μετα του Υιου αυτου Ιησου Χριστου. 4και ταυτα γραφομεν ημεις ινα η χαρα ημων ῃ πεπληρωμενη. 5Και εστιν αυτη η αγγελια ην ακηκοαμεν απ αυτου και αναγγελλομεν υμιν, οτι ο Θεος φως εστιν και σκοτια εν αυτῳ ουκ εστιν ουδεμια. 6Εαν ειπωμεν οτι κοινωνιαν εχομεν μετ αυτου και εν τῳ σκοτει περιπατωμεν, ψευδομεθα και ου ποιουμεν την αληθειαν· 7εαν δε εν τῳ φωτι περιπατωμεν ως αυτος εστιν εν τῳ φωτι, κοινωνιαν εχομεν μετ αλληλων και το αιμα Ιησου του Υιου αυτου καθαριζει ημας απο πασης αμαρτιας. 8εαν ειπωμεν οτι αμαρτιαν ουκ εχομεν, εαυτους πλανωμεν και η αληθεια ουκ εστιν εν ημιν. 9εαν ομολογωμεν τας αμαρτιας ημων, πιστος εστιν και δικαιος, ινα αφῃ ημιν τας αμαρτιας και καθαρισῃ ημας απο πασης αδικιας. 10εαν ειπωμεν οτι ουχ ημαρτηκαμεν, ψευστην ποιουμεν αυτον και ο λογος αυτου ουκ εστιν εν ημιν.