1Ο πρεσβυτερος Γαιῳ τῳ αγαπητῳ, ον εγω αγαπω εν αληθειᾳ. 2Αγαπητε, περι παντων ευχομαι σε ευοδουσθαι και υγιαινειν, καθως ευοδουται σου η ψυχη. 3εχαρην γαρ λιαν ερχομενων αδελφων και μαρτυρουντων σου τῃ αληθειᾳ, καθως συ εν αληθειᾳ περιπατεις. 4μειζοτεραν τουτων ουκ εχω χαραν, ινα ακουω τα εμα τεκνα εν τῃ αληθειᾳ περιπατουντα. 5Αγαπητε, πιστον ποιεις ο εαν εργασῃ εις τους αδελφους και τουτο ξενους, 6οι εμαρτυρησαν σου τῃ αγαπῃ ενωπιον εκκλησιας, ους καλως ποιησεις προπεμψας αξιως του Θεου· 7υπερ γαρ του Ονοματος εξηλθαν μηδεν λαμβανοντες απο των εθνικων. 8ημεις ουν οφειλομεν υπολαμβανειν τους τοιουτους, ινα συνεργοι γινωμεθα τῃ αληθειᾳ. 9Εγραψα τι τῃ εκκλησιᾳ· αλλ ο φιλοπρωτευων αυτων Διοτρεφης ουκ επιδεχεται ημας. 10δια τουτο, εαν ελθω, υπομνησω αυτου τα εργα α ποιει λογοις πονηροις φλυαρων ημας, και μη αρκουμενος επι τουτοις ουτε αυτος επιδεχεται τους αδελφους και τους βουλομενους κωλυει και εκ της εκκλησιας εκβαλλει. 11Αγαπητε, μη μιμου το κακον αλλα το αγαθον. ο αγαθοποιων εκ του Θεου εστιν· ο κακοποιων ουχ εωρακεν τον Θεον. 12Δημητριῳ μεμαρτυρηται υπο παντων και υπο αυτης της αληθειας· και ημεις δε μαρτυρουμεν, και οιδας οτι η μαρτυρια ημων αληθης εστιν. 13Πολλα ειχον γραψαι σοι, αλλ ου θελω δια μελανος και καλαμου σοι γραφειν· 14ελπιζω δε ευθεως σε ιδειν, και στομα προς στομα λαλησομεν. 15Ειρηνη σοι. ασπαζονται σε οι φιλοι. ασπαζου τους φιλους κατ ονομα.