1Πας ο πιστευων οτι Ιησους εστιν ο Χριστος εκ του Θεου γεγεννηται, και πας ο αγαπων τον γεννησαντα αγαπᾳ τον γεγεννημενον εξ αυτου.
2εν τουτῳ γινωσκομεν οτι αγαπωμεν τα τεκνα του Θεου, οταν τον Θεον αγαπωμεν και τας εντολας αυτου ποιωμεν.
3αυτη γαρ εστιν η αγαπη του Θεου, ινα τας εντολας αυτου τηρωμεν· και αι εντολαι αυτου βαρειαι ουκ εισιν,
4οτι παν το γεγεννημενον εκ του Θεου νικᾳ τον κοσμον· και αυτη εστιν η νικη η νικησασα τον κοσμον, η πιστις ημων.
5τις εστιν ο νικων τον κοσμον ει μη ο πιστευων οτι Ιησους εστιν ο Υιος του Θεου;
6ουτος εστιν ο ελθων δι υδατος και αιματος, Ιησους Χριστος· ουκ εν τῳ υδατι μονον, αλλ εν τῳ υδατι και εν τῳ αιματι· και το Πνευμα εστιν το μαρτυρουν, οτι το Πνευμα εστιν η αληθεια.
7οτι τρεις εισιν οι μαρτυρουντες,
8το Πνευμα και το υδωρ και το αιμα, και οι τρεις εις το εν εισιν.
9ει την μαρτυριαν των ανθρωπων λαμβανομεν, η μαρτυρια του Θεου μειζων εστιν, οτι αυτη εστιν η μαρτυρια του Θεου οτι μεμαρτυρηκεν περι του Υιου αυτου.
10ο πιστευων εις τον Υιον του Θεου εχει την μαρτυριαν εν αυτῳ. ο μη πιστευων τῳ Θεῳ ψευστην πεποιηκεν αυτον, οτι ου πεπιστευκεν εις την μαρτυριαν ην μεμαρτυρηκεν ο Θεος περι του Υιου αυτου.
11και αυτη εστιν η μαρτυρια, οτι ζωην αιωνιον εδωκεν ο Θεος ημιν, και αυτη η ζωη εν τῳ Υιῳ αυτου εστιν.
12ο εχων τον Υιον εχει την ζωην· ο μη εχων τον Υιον του Θεου την ζωην ουκ εχει.
13Ταυτα εγραψα υμιν ινα ειδητε οτι ζωην εχετε αιωνιον, τοις πιστευουσιν εις το ονομα του Υιου του Θεου.
14Και αυτη εστιν η παρρησια ην εχομεν προς αυτον, οτι εαν τι αιτωμεθα κατα το θελημα αυτου ακουει ημων.
15και εαν οιδαμεν οτι ακουει ημων ο εαν αιτωμεθα, οιδαμεν οτι εχομεν τα αιτηματα α ῃτηκαμεν απ αυτου.
16Εαν τις ιδῃ τον αδελφον αυτου αμαρτανοντα αμαρτιαν μη προς θανατον, αιτησει, και δωσει αυτῳ ζωην, τοις αμαρτανουσιν μη προς θανατον. εστιν αμαρτια προς θανατον· ου περι εκεινης λεγω ινα ερωτησῃ.
17πασα αδικια αμαρτια εστιν, και εστιν αμαρτια ου προς θανατον.
18Οιδαμεν οτι πας ο γεγεννημενος εκ του Θεου ουχ αμαρτανει, αλλ ο γεννηθεις εκ του Θεου τηρει αυτον, και ο πονηρος ουχ απτεται αυτου.
19οιδαμεν οτι εκ του Θεου εσμεν, και ο κοσμος ολος εν τῳ πονηρῳ κειται.
20οιδαμεν δε οτι ο Υιος του Θεου ηκει, και δεδωκεν ημιν διανοιαν ινα γινωσκομεν τον αληθινον· και εσμεν εν τῳ αληθινῳ, εν τῳ Υιῳ αυτου Ιησου Χριστῳ. ουτος εστιν ο αληθινος Θεος και ζωη αιωνιος.
21Τεκνια, φυλαξατε εαυτα απο των ειδωλων.