1Psalmus Cantici, filiis Core. Fundamenta eius in montibus sanctis: 2diligit Dominus portas Sion super omnia tabernacula Iacob. 3Gloriosa dicta sunt de te, civitas Dei. 4Memor ero Rahab, et Babylonis scientium me. Ecce alienigenae, et Tyrus, et populus Aethiopum, hi fuerunt illic. 5Numquid Sion dicet: Homo, et homo natus est in ea: et ipse fundavit eam Altissimus? 6Dominus narrabit in scripturis populorum, et principum: horum, qui fuerunt in ea. 7Sicut laetantium omnium habitatio est in te.