1Εν ετει δε πεντεκαιδεκατῳ της ηγεμονιας Τιβεριου Καισαρος, ηγεμονευοντος Ποντιου Πειλατου της Ιουδαιας, και τετρααρχουντος της Γαλιλαιας Ηρῳδου, Φιλιππου δε του αδελφου αυτου τετρααρχουντος της Ιτουραιας και Τραχωνιτιδος χωρας, και Λυσανιου της Αβιληνης τετρααρχουντος, 2επι αρχιερεως Αννα και Καιαφα, εγενετο ρημα Θεου επι Ιωανην τον Ζαχαριου υιον εν τῃ ερημῳ. 3και ηλθεν εις πασαν την περιχωρον του Ιορδανου κηρυσσων βαπτισμα μετανοιας εις αφεσιν αμαρτιων, 4ως γεγραπται εν βιβλῳ λογων Ησαιου του προφητου Φωνη βοωντος εν τῃ ερημῳ Ετοιμασατε την οδον Κυριου, ευθειας ποιειτε τας τριβους αυτου· 5πασα φαραγξ πληρωθησεται και παν ορος και βουνος ταπεινωθησεται, και εσται τα σκολια εις ευθειας και αι τραχειαι εις οδους λειας· 6και οψεται πασα σαρξ το σωτηριον του Θεου. 7Ελεγεν ουν τοις εκπορευομενοις οχλοις βαπτισθηναι υπ αυτου Γεννηματα εχιδνων, τις υπεδειξεν υμιν φυγειν απο της μελλουσης οργης; 8ποιησατε ουν καρπους αξιους της μετανοιας· και μη αρξησθε λεγειν εν εαυτοις Πατερα εχομεν τον Αβρααμ· λεγω γαρ υμιν οτι δυναται ο Θεος εκ των λιθων τουτων εγειραι τεκνα τῳ Αβρααμ. 9ηδη δε και η αξινη προς την ριζαν των δενδρων κειται· παν ουν δενδρον μη ποιουν καρπον καλον εκκοπτεται και εις πυρ βαλλεται. 10Και επηρωτων αυτον οι οχλοι λεγοντες Τι ουν ποιησωμεν; 11αποκριθεις δε ελεγεν αυτοις Ο εχων δυο χιτωνας μεταδοτω τῳ μη εχοντι, και ο εχων βρωματα ομοιως ποιειτω. 12ηλθον δε και τελωναι βαπτισθηναι και ειπαν προς αυτον Διδασκαλε, τι ποιησωμεν; 13ο δε ειπεν προς αυτους Μηδεν πλεον παρα το διατεταγμενον υμιν πρασσετε. 14επηρωτων δε αυτον και στρατευομενοι λεγοντες Τι ποιησωμεν και ημεις; και ειπεν αυτοις Μηδενα διασεισητε μηδε συκοφαντησητε, και αρκεισθε τοις οψωνιοις υμων. 15Προσδοκωντος δε του λαου και διαλογιζομενων παντων εν ταις καρδιαις αυτων περι του Ιωανου, μη ποτε αυτος ειη ο Χριστος, 16απεκρινατο λεγων πασιν ο Ιωανης Εγω μεν υδατι βαπτιζω υμας· ερχεται δε ο ισχυροτερος μου, ου ουκ ειμι ικανος λυσαι τον ιμαντα των υποδηματων αυτου· αυτος υμας βαπτισει εν Πνευματι Αγιῳ και πυρι· 17ου το πτυον εν τῃ χειρι αυτου διακαθαραι την αλωνα αυτου και συναγαγειν τον σιτον εις την αποθηκην αυτου, το δε αχυρον κατακαυσει πυρι ασβεστῳ. 18Πολλα μεν ουν και ετερα παρακαλων ευηγγελιζετο τον λαον· 19ο δε Ηρῳδης ο τετρααρχης, ελεγχομενος υπ αυτου περι Ηρῳδιαδος της γυναικος του αδελφου αυτου και περι παντων ων εποιησεν πονηρων ο Ηρῳδης, 20προσεθηκεν και τουτο επι πασιν, κατεκλεισεν τον Ιωανην εν φυλακῃ. 21Εγενετο δε εν τῳ βαπτισθηναι απαντα τον λαον και Ιησου βαπτισθεντος και προσευχομενου ανεῳχθηναι τον ουρανον, 22και καταβηναι το Πνευμα το Αγιον σωματικῳ ειδει ως περιστεραν επ αυτον, και φωνην εξ ουρανου γενεσθαι Συ ει ο Υιος μου ο αγαπητος, εν σοι ευδοκησα. 23Και αυτος ην Ιησους αρχομενος ωσει ετων τριακοντα, ων υιος, ως ενομιζετο, Ιωσηφ, του Ηλει 24του Ματθατ του Λευει του Μελχει του Ιανναι του Ιωσηφ 25του Ματταθιου του Αμως του Ναουμ του Εσλει του Ναγγαι 26του Μααθ του Ματταθιου του Σεμεειν του Ιωσηχ του Ιωδα 27του Ιωαναν του Ρησα του Ζοροβαβελ του Σαλαθιηλ του Νηρει 28του Μελχει του Αδδει του Κωσαμ του Ελμαδαμ του Ηρ 29του Ιησου του Ελιεζερ του Ιωρειμ του Μαθθατ του Λευει 30του Συμεων του Ιουδα του Ιωσηφ του Ιωναμ του Ελιακειμ 31του Μελεα του Μεννα του Ματταθα του Ναθαμ του Δαυειδ 32του Ιεσσαι του Ιωβηδ του Βοος του Σαλα του Ναασσων 33του Αμιναδαβ του Αδμειν του Αρνει του Εσρωμ του Φαρες του Ιουδα 34του Ιακωβ του Ισαακ του Αβρααμ του Θαρα του Ναχωρ 35του Σερουχ του Ραγαυ του Φαλεκ του Εβερ του Σαλα 36του Καιναμ του Αρφαξαδ του Σημ του Νωε του Λαμεχ 37του Μαθουσαλα του Ενωχ του Ιαρετ του Μαλελεηλ του Καιναμ 38του Ενως του Σηθ του Αδαμ του Θεου.