1Μετα ταυτα εφανερωσεν εαυτον παλιν Ιησους τοις μαθηταις επι της θαλασσης της Τιβεριαδος· εφανερωσεν δε ουτως. 2ησαν ομου Σιμων Πετρος και Θωμας ο λεγομενος Διδυμος και Ναθαναηλ ο απο Κανα της Γαλιλαιας και οι του Ζεβεδαιου και αλλοι εκ των μαθητων αυτου δυο. 3λεγει αυτοις Σιμων Πετρος Υπαγω αλιευειν. λεγουσιν αυτῳ Ερχομεθα και ημεις συν σοι. εξηλθον και ενεβησαν εις το πλοιον, και εν εκεινῃ τῃ νυκτι επιασαν ουδεν. 4πρωιας δε ηδη γινομενης εστη Ιησους εις τον αιγιαλον· ου μεντοι ῃδεισαν οι μαθηται οτι Ιησους εστιν. 5λεγει ουν αυτοις Ιησους Παιδια, μη τι προσφαγιον εχετε; απεκριθησαν αυτῳ Ου. 6ο δε ειπεν αυτοις Βαλετε εις τα δεξια μερη του πλοιου το δικτυον, και ευρησετε. εβαλον ουν, και ουκετι αυτο ελκυσαι ισχυον απο του πληθους των ιχθυων. 7λεγει ουν ο μαθητης εκεινος ον ηγαπα ο Ιησους τῳ Πετρῳ Ο Κυριος εστιν. Σιμων ουν Πετρος, ακουσας οτι ο Κυριος εστιν, τον επενδυτην διεζωσατο, ην γαρ γυμνος, και εβαλεν εαυτον εις την θαλασσαν· 8οι δε αλλοι μαθηται τῳ πλοιαριῳ ηλθον, ου γαρ ησαν μακραν απο της γης αλλα ως απο πηχων διακοσιων, συροντες το δικτυον των ιχθυων. 9ως ουν απεβησαν εις την γην, βλεπουσιν ανθρακιαν κειμενην και οψαριον επικειμενον και αρτον. 10λεγει αυτοις ο Ιησους Ενεγκατε απο των οψαριων ων επιασατε νυν. 11ανεβη Σιμων Πετρος και ειλκυσεν το δικτυον εις την γην μεστον ιχθυων μεγαλων εκατον πεντηκοντα τριων· και τοσουτων οντων ουκ εσχισθη το δικτυον. 12λεγει αυτοις ο Ιησους Δευτε αριστησατε. ουδεις ετολμα των μαθητων εξετασαι αυτον Συ τις ει; ειδοτες οτι ο Κυριος εστιν. 13ερχεται Ιησους και λαμβανει τον αρτον και διδωσιν αυτοις, και το οψαριον ομοιως. 14τουτο ηδη τριτον εφανερωθη Ιησους τοις μαθηταις εγερθεις εκ νεκρων. 15Οτε ουν ηριστησαν, λεγει τῳ Σιμωνι Πετρῳ ο Ιησους Σιμων Ιωανου, αγαπᾳς με πλεον τουτων; λεγει αυτῳ Ναι, Κυριε, συ οιδας οτι φιλω σε. λεγει αυτῳ Βοσκε τα αρνια μου. 16λεγει αυτῳ παλιν δευτερον Σιμων Ιωανου, αγαπᾳς με; λεγει αυτῳ Ναι, Κυριε, συ οιδας οτι φιλω σε. λεγει αυτῳ Ποιμαινε τα προβατια μου. 17λεγει αυτῳ το τριτον Σιμων Ιωανου, φιλεις με; ελυπηθη ο Πετρος οτι ειπεν αυτῳ το τριτον Φιλεις με; και ειπεν αυτῳ Κυριε, παντα συ οιδας, συ γινωσκεις οτι φιλω σε. λεγει αυτῳ Ιησους Βοσκε τα προβατια μου. 18αμην αμην λεγω σοι, οτε ης νεωτερος, εζωννυες σεαυτον και περιεπατεις οπου ηθελες· οταν δε γηρασῃς, εκτενεις τας χειρας σου, και αλλος ζωσει σε και οισει οπου ου θελεις. 19τουτο δε ειπεν σημαινων ποιῳ θανατῳ δοξασει τον Θεον. και τουτο ειπων λεγει αυτῳ Ακολουθει μοι. 20επιστραφεις ο Πετρος βλεπει τον μαθητην ον ηγαπα ο Ιησους ακολουθουντα, ος και ανεπεσεν εν τῳ δειπνῳ επι το στηθος αυτου και ειπεν Κυριε, τις εστιν ο παραδιδους σε; 21τουτον ουν ιδων ο Πετρος λεγει τῳ Ιησου Κυριε, ουτος δε τι; 22λεγει αυτῳ ο Ιησους Εαν αυτον θελω μενειν εως ερχομαι, τι προς σε; συ μοι ακολουθει. 23εξηλθεν ουν ουτος ο λογος εις τους αδελφους οτι ο μαθητης εκεινος ουκ αποθνησκει· ουκ ειπεν δε αυτῳ ο Ιησους οτι ουκ αποθνησκει, αλλ Εαν αυτον θελω μενειν εως ερχομαι, τι προς σε; 24Ουτος εστιν ο μαθητης ο μαρτυρων περι τουτων και ο γραψας ταυτα, και οιδαμεν οτι αληθης αυτου η μαρτυρια εστιν. 25Εστιν δε και αλλα πολλα α εποιησεν ο Ιησους, ατινα εαν γραφηται καθ εν, ουδ αυτον οιμαι τον κοσμον χωρησειν τα γραφομενα βιβλια.