1 למנצח על-ששנים לבני-קרח משכיל שיר ידידת¶
2 רחש לבי דבר טוב— אמר אני מעשי למלך
3 יפיפית מבני אדם— הוצק חן בשפתותיך
4 חגור-חרבך על-ירך גבור— הודך והדרך¶
5 והדרך צלח רכב— על-דבר-אמת וענוה-צדק
6 חציך שנונים עמים תחתיך יפלו בלב אויבי המלך¶
7 כסאך אלהים עולם ועד שבט מישר שבט מלכותך¶
8 אהבת צדק ותשנא-רשע
9 מר-ואהלות קציעות כל-בגדתיך מן-היכלי שן מני שמחוך¶
10 בנות מלכים ביקרותיך נצבה שגל לימינך בכתם אופיר¶
11 שמעי-בת וראי והטי אזנך ושכחי עמך ובית אביך¶
12 ויתאו המלך יפיך כי-הוא אדניך והשתחוי-לו¶
13 ובת-צר במנחה פניך יחלו—עשירי עם¶
14 כל-כבודה בת-מלך פנימה ממשבצות זהב לבושה¶
15 לרקמות תובל למלך בתולות אחריה רעותיה—מובאות לך¶
16 תובלנה בשמחת וגיל תבאינה בהיכל מלך¶
17 תחת אבתיך יהיו בניך תשיתמו לשרים בכל-הארץ¶
18 אזכירה שמך בכל-דר ודר על-כן עמים יהודוך לעלם ועד