1 למנצח מזמור לדוד¶
2 חלצני יהוה מאדם רע מאיש חמסים תנצרני¶
3 אשר חשבו רעות בלב כל-יום יגורו מלחמות¶
4 שננו לשונם כמו-נחש חמת עכשוב—תחת שפתימו סלה¶
5 שמרני יהוה מידי רשע— מאיש חמסים תנצרני
6 טמנו גאים פח לי— וחבלים פרשו רשת ליד-מעגל
7 אמרתי ליהוה אלי אתה האזינה יהוה קול תחנוני¶
8 יהוה אדני עז ישועתי סכתה לראשי ביום נשק¶
9 אל-תתן יהוה מאויי רשע זממו אל-תפק ירומו סלה¶
10 ראש מסבי— עמל שפתימו יכסומו (יכסימו)¶
11 ימיטו (ימוטו) עליהם גחלים באש יפלם במהמרות בל-יקומו¶
12 איש לשון בל-יכון בארץ איש-חמס רע—יצודנו למדחפת¶
13 ידעת (ידעתי)—כי-יעשה יהוה דין עני משפט אבינים¶
14 אך צדיקים יודו לשמך ישבו ישרים את-פניך