1 ויען איוב ויאמר¶
2 שמעתי כאלה רבות מנחמי עמל כלכם¶
3 הקץ לדברי-רוח או מה-ימריצך כי תענה¶
4 גם אנכי— ככם אדברה
5 אאמצכם במו-פי וניד שפתי יחשך¶
6 אם-אדברה לא-יחשך כאבי ואחדלה מה-מני יהלך¶
7 אך-עתה הלאני השמות כל-עדתי¶
8 ותקמטני לעד היה ויקם בי כחשי בפני יענה¶
9 אפו טרף וישטמני—חרק עלי בשניו צרי ילטש עיניו לי¶
10 פערו עלי בפיהם—בחרפה הכו לחיי יחד עלי יתמלאון¶
11 יסגירני אל אל עויל ועל-ידי רשעים ירטני¶
12 שלו הייתי ויפרפרני— ואחז בערפי ויפצפצני
13 יסבו עלי רביו— יפלח כליותי ולא יחמל
14 יפרצני פרץ על-פני-פר*ץ* ירץ עלי כגבור¶
15 שק תפרתי עלי גלדי ועללתי בעפר קרני¶
16 פני חמרמרה (חמרמרו) מני-בכי ועל עפעפי צלמות¶
17 על לא-חמס בכפי ותפלתי זכה¶
18 ארץ אל-תכסי דמי ואל-יהי מקום לזעקתי¶
19 גם-עתה הנה-בשמים עדי ושהדי במרמים¶
20 מליצי רעי אל-אלוה דלפה עיני¶
21 ויוכח לגבר עם-אלוה ובן-אדם לרעהו¶
22 כי-שנות מספר יאתיו וארח לא-אשוב אהלך