1Τι ουν ερουμεν; επιμενωμεν τῃ αμαρτιᾳ, ινα η χαρις πλεονασῃ; 2μη γενοιτο. οιτινες απεθανομεν τῃ αμαρτιᾳ, πως ετι ζησομεν εν αυτῃ; 3η αγνοειτε οτι οσοι εβαπτισθημεν εις Χριστον Ιησουν, εις τον θανατον αυτου εβαπτισθημεν; 4συνεταφημεν ουν αυτῳ δια του βαπτισματος εις τον θανατον, ινα ωσπερ ηγερθη Χριστος εκ νεκρων δια της δοξης του Πατρος, ουτως και ημεις εν καινοτητι ζωης περιπατησωμεν. 5ει γαρ συμφυτοι γεγοναμεν τῳ ομοιωματι του θανατου αυτου, αλλα και της αναστασεως εσομεθα· 6τουτο γινωσκοντες, οτι ο παλαιος ημων ανθρωπος συνεσταυρωθη, ινα καταργηθῃ το σωμα της αμαρτιας, του μηκετι δουλευειν ημας τῃ αμαρτιᾳ· 7ο γαρ αποθανων δεδικαιωται απο της αμαρτιας. 8ει δε απεθανομεν συν Χριστῳ, πιστευομεν οτι και συνζησομεν αυτῳ, 9ειδοτες οτι Χριστος εγερθεις εκ νεκρων ουκετι αποθνῃσκει, θανατος αυτου ουκετι κυριευει. 10ο γαρ απεθανεν, τῃ αμαρτιᾳ απεθανεν εφαπαξ· ο δε ζῃ, ζῃ τῳ Θεῳ. 11ουτως και υμεις λογιζεσθε εαυτους ειναι νεκρους μεν τῃ αμαρτιᾳ ζωντας δε τῳ Θεῳ εν Χριστῳ Ιησου. 12Μη ουν βασιλευετω η αμαρτια εν τῳ θνητῳ υμων σωματι εις το υπακουειν ταις επιθυμιαις αυτου, 13μηδε παριστανετε τα μελη υμων οπλα αδικιας τῃ αμαρτιᾳ, αλλα παραστησατε εαυτους τῳ Θεῳ ωσει εκ νεκρων ζωντας και τα μελη υμων οπλα δικαιοσυνης τῳ Θεῳ, 14αμαρτια γαρ υμων ου κυριευσει· ου γαρ εστε υπο νομον αλλα υπο χαριν. 15Τι ουν; αμαρτησωμεν οτι ουκ εσμεν υπο νομον αλλα υπο χαριν; μη γενοιτο. 16ουκ οιδατε οτι ῳ παριστανετε εαυτους δουλους εις υπακοην, δουλοι εστε ῳ υπακουετε, ητοι αμαρτιας εις θανατον η υπακοης εις δικαιοσυνην; 17χαρις δε τῳ Θεῳ οτι ητε δουλοι της αμαρτιας, υπηκουσατε δε εκ καρδιας εις ον παρεδοθητε τυπον διδαχης, 18ελευθερωθεντες δε απο της αμαρτιας εδουλωθητε τῃ δικαιοσυνῃ. 19ανθρωπινον λεγω δια την ασθενειαν της σαρκος υμων. ωσπερ γαρ παρεστησατε τα μελη υμων δουλα τῃ ακαθαρσιᾳ και τῃ ανομιᾳ εις την ανομιαν, ουτως νυν παραστησατε τα μελη υμων δουλα τῃ δικαιοσυνῃ εις αγιασμον. 20οτε γαρ δουλοι ητε της αμαρτιας, ελευθεροι ητε τῃ δικαιοσυνῃ. 21τινα ουν καρπον ειχετε τοτε; εφ οις νυν επαισχυνεσθε· το γαρ τελος εκεινων θανατος. 22νυνι δε ελευθερωθεντες απο της αμαρτιας δουλωθεντες δε τῳ Θεῳ, εχετε τον καρπον υμων εις αγιασμον, το δε τελος ζωην αιωνιον. 23τα γαρ οψωνια της αμαρτιας θανατος, το δε χαρισμα του Θεου ζωη αιωνιος εν Χριστῳ Ιησου τῳ Κυριῳ ημων.