1Συνιστημι δε υμιν Φοιβην την αδελφην ημων, ουσαν διακονον της εκκλησιας της εν Κενχρεαις, 2ινα αυτην προσδεξησθε εν Κυριῳ αξιως των αγιων, και παραστητε αυτῃ εν ῳ αν υμων χρῃζῃ πραγματι· και γαρ αυτη προστατις πολλων εγενηθη και εμου αυτου. 3Ασπασασθε Πρισκαν και Ακυλαν τους συνεργους μου εν Χριστῳ Ιησου, 4οιτινες υπερ της ψυχης μου τον εαυτων τραχηλον υπεθηκαν, οις ουκ εγω μονος ευχαριστω αλλα και πασαι αι εκκλησιαι των εθνων, 5και την κατ οικον αυτων εκκλησιαν. ασπασασθε Επαινετον τον αγαπητον μου, ος εστιν απαρχη της Ασιας εις Χριστον. 6ασπασασθε Μαριαν, ητις πολλα εκοπιασεν εις υμας. 7ασπασασθε Ανδρονικον και Ιουνιαν τους συγγενεις μου και συναιχμαλωτους μου, οιτινες εισιν επισημοι εν τοις αποστολοις, οι και προ εμου γεγοναν εν Χριστῳ. 8ασπασασθε Αμπλιατον τον αγαπητον μου εν Κυριῳ. 9ασπασασθε Ουρβανον τον συνεργον ημων εν Χριστῳ και Σταχυν τον αγαπητον μου. 10ασπασασθε Απελλην τον δοκιμον εν Χριστῳ. ασπασασθε τους εκ των Αριστοβουλου. 11ασπασασθε Ηρῳδιωνα τον συγγενη μου. ασπασασθε τους εκ των Ναρκισσου τους οντας εν Κυριῳ. 12ασπασασθε Τρυφαιναν και Τρυφωσαν τας κοπιωσας εν Κυριῳ. ασπασασθε Περσιδα την αγαπητην, ητις πολλα εκοπιασεν εν Κυριῳ. 13ασπασασθε Ρουφον τον εκλεκτον εν Κυριῳ και την μητερα αυτου και εμου. 14ασπασασθε Ασυνκριτον, Φλεγοντα, Ερμην, Πατροβαν, Ερμαν, και τους συν αυτοις αδελφους. 15ασπασασθε Φιλολογον και Ιουλιαν, Νηρεα και την αδελφην αυτου, και Ολυμπαν, και τους συν αυτοις παντας αγιους. 16ασπασασθε αλληλους εν φιληματι αγιῳ. ασπαζονται υμας αι εκκλησιαι πασαι του Χριστου. 17Παρακαλω δε υμας, αδελφοι, σκοπειν τους τας διχοστασιας και τα σκανδαλα παρα την διδαχην ην υμεις εμαθετε ποιουντας, και εκκλινετε απ αυτων· 18οι γαρ τοιουτοι τῳ Κυριῳ ημων Χριστῳ ου δουλευουσιν αλλα τῃ εαυτων κοιλιᾳ, και δια της χρηστολογιας και ευλογιας εξαπατωσιν τας καρδιας των ακακων. 19η γαρ υμων υπακοη εις παντας αφικετο· εφ υμιν ουν χαιρω, θελω δε υμας σοφους ειναι εις το αγαθον, ακεραιους δε εις το κακον. 20ο δε Θεος της ειρηνης συντριψει τον Σαταναν υπο τους ποδας υμων εν ταχει. Η χαρις του Κυριου ημων Ιησου μεθ υμων. 21Ασπαζεται υμας Τιμοθεος ο συνεργος μου, και Λουκιος και Ιασων και Σωσιπατρος οι συγγενεις μου. 22ασπαζομαι υμας εγω Τερτιος ο γραψας την επιστολην εν Κυριῳ. 23ασπαζεται υμας Γαιος ο ξενος μου και ολης της εκκλησιας. ασπαζεται υμας Εραστος ο οικονομος της πολεως και Κουαρτος ο αδελφος. 24 25Τῳ δε δυναμενῳ υμας στηριξαι κατα το ευαγγελιον μου και το κηρυγμα Ιησου Χριστου, κατα αποκαλυψιν μυστηριου χρονοις αιωνιοις σεσιγημενου, 26φανερωθεντος δε νυν δια τε γραφων προφητικων κατ επιταγην του αιωνιου Θεου εις υπακοην πιστεως εις παντα τα εθνη γνωρισθεντος, 27μονῳ σοφῳ Θεῳ, δια Ιησου Χριστου, ῳ η δοξα εις τους αιωνας των αιωνων· αμην.