1Βιβλος γενεσεως Ιησου Χριστου υιου Δαυειδ υιου Αβρααμ. 2Αβρααμ εγεννησεν τον Ισαακ, Ισαακ δε εγεννησεν τον Ιακωβ, Ιακωβ δε εγεννησεν τον Ιουδαν και τους αδελφους αυτου, 3Ιουδας δε εγεννησεν τον Φαρες και τον Ζαρα εκ της Θαμαρ, Φαρες δε εγεννησεν τον Εσρωμ, Εσρωμ δε εγεννησεν τον Αραμ, 4Αραμ δε εγεννησεν τον Αμιναδαβ, Αμιναδαβ δε εγεννησεν τον Ναασσων, Ναασσων δε εγεννησεν τον Σαλμων, 5Σαλμων δε εγεννησεν τον Βοες εκ της Ραχαβ, Βοες δε εγεννησεν τον Ιωβηδ εκ της Ρουθ, Ιωβηδ δε εγεννησεν τον Ιεσσαι, 6Ιεσσαι δε εγεννησεν τον Δαυειδ τον βασιλεα. Δαυειδ δε εγεννησεν τον Σολομωνα εκ της του Ουριου, 7Σολομων δε εγεννησεν τον Ροβοαμ, Ροβοαμ δε εγεννησεν τον Αβια, Αβια δε εγεννησεν τον Ασαφ, 8Ασαφ δε εγεννησεν τον Ιωσαφατ, Ιωσαφατ δε εγεννησεν τον Ιωραμ, Ιωραμ δε εγεννησεν τον Οζειαν, 9Οζειας δε εγεννησεν τον Ιωαθαμ, Ιωαθαμ δε εγεννησεν τον Αχαζ, Αχαζ δε εγεννησεν τον Εζεκιαν, 10Εζεκιας δε εγεννησεν τον Μανασση, Μανασσης δε εγεννησεν τον Αμως, Αμως δε εγεννησεν τον Ιωσειαν, 11Ιωσειας δε εγεννησεν τον Ιεχονιαν και τους αδελφους αυτου επι της μετοικεσιας Βαβυλωνος. 12Μετα δε την μετοικεσιαν Βαβυλωνος Ιεχονιας εγεννησεν τον Σαλαθιηλ, Σαλαθιηλ δε εγεννησεν τον Ζοροβαβελ, 13Ζοροβαβελ δε εγεννησεν τον Αβιουδ, Αβιουδ δε εγεννησεν τον Ελιακειμ, Ελιακειμ δε εγεννησεν τον Αζωρ, 14Αζωρ δε εγεννησεν τον Σαδωκ, Σαδωκ δε εγεννησεν τον Αχειμ, Αχειμ δε εγεννησεν τον Ελιουδ, 15Ελιουδ δε εγεννησεν τον Ελεαζαρ, Ελεαζαρ δε εγεννησεν τον Μαθθαν, Μαθθαν δε εγεννησεν τον Ιακωβ, 16Ιακωβ δε εγεννησεν τον Ιωσηφ τον ανδρα Μαριας, εξ ης εγεννηθη Ιησους ο λεγομενος Χριστος. 17Πασαι ουν αι γενεαι απο Αβρααμ εως Δαυειδ γενεαι δεκατεσσαρες, και απο Δαυειδ εως της μετοικεσιας Βαβυλωνος γενεαι δεκατεσσαρες, και απο της μετοικεσιας Βαβυλωνος εως του Χριστου γενεαι δεκατεσσαρες. 18Του δε Ιησου Χριστου η γενεσις ουτως ην. μνηστευθεισης της μητρος αυτου Μαριας τῳ Ιωσηφ, πριν η συνελθειν αυτους ευρεθη εν γαστρι εχουσα εκ Πνευματος Αγιου. 19Ιωσηφ δε ο ανηρ αυτης, δικαιος ων και μη θελων αυτην δειγματισαι, εβουληθη λαθρᾳ απολυσαι αυτην. 20ταυτα δε αυτου ενθυμηθεντος ιδου αγγελος Κυριου κατ οναρ εφανη αυτῳ λεγων Ιωσηφ υιος Δαυειδ, μη φοβηθῃς παραλαβειν Μαριαν την γυναικα σου, το γαρ εν αυτῃ γεννηθεν εκ Πνευματος εστιν Αγιου· 21τεξεται δε υιον και καλεσεις το ονομα αυτου Ιησουν· αυτος γαρ σωσει τον λαον αυτου απο των αμαρτιων αυτων. 22Τουτο δε ολον γεγονεν ινα πληρωθῃ το ρηθεν υπο Κυριου δια του προφητου λεγοντος 23Ιδου η παρθενος εν γαστρι εξει και τεξεται υιον, και καλεσουσιν το ονομα αυτου Εμμανουηλ, ο εστιν μεθερμηνευομενον Μεθ ημων ο Θεος. 24εγερθεις δε ο Ιωσηφ απο του υπνου εποιησεν ως προσεταξεν αυτῳ ο αγγελος Κυριου, και παρελαβεν την γυναικα αυτου· 25και ουκ εγινωσκεν αυτην εως ου ετεκεν υιον· και εκαλεσεν το ονομα αυτου Ιησουν.