1MAIN Ieowa, kom kotin maki oner japwilim omui jap maj o, o kom kotin dorelar jalidi en Iakop akan. 2Re kotin lapwadar me jued en japwilim omui aramaj akan, o kom kotin pwaidier dip arail karoj. Jela. 3Komui kotin kadukiedi omui onion karoj, o kotin wukidoki wei janer omui onion melel. 4Kom kotin puron kamait kit ala, komui Kot at jaunkamaur, o kotin katukiedi omui jokalanan on kit. 5Kom pan kotin onioni kit kokolata? Omui onion pan duedueta jan en kainok lel eu? 6Kom jota pan kotin puron kamaur kit da, pwe japwilim omui aramaj kan en peren kin komui da? 7Main Ieowa, kom kotin kajanjaleda ar kalanan on kit, o jauaja kit! 8I men ron, da me Kot Ieowa pan kotin majani; pwe a pan mamajani duen muei mau on japwilim a aramaj o me lelapok kan, pwe ren der lodi on me pweipwei. 9Melel, a jauaj me koren ion ir, me majak i, pwe a linan en mi nan jap atail. 10Kalanan o melel pan tu pena, pun o muei mau en metik pena. 11Melel pan wojada jan nan jap o, o pun pan ireredo jan nanlan. 12Ieowa pil pan kotikido me mau, pwe jap atail en kida wa kan. 13Pwe pun pan ti on mo a, o a kak akan pan wiala al arail.