1 NIJINIJ on Ieowa nan jap karoj! 2Kauleki linan en mar a; kapikapina i melel! 3Komail potoan on Kot: Meid kapuriamui japwilim omui dodok kan! Japwilim omui imwintiti kapina komui pweki omui manaman. 4Jap karoj en kaudok on komui o kapina komui o kauleki on mar omui. Jela. 5Komail kodo, kilan dodok en Kot, pwe a wiawia kan me kapuriamui ren aramaj akan. 6A kotin kawukila madau on jap madakon, pwe aramaj en kak alu pon pil o, i waja je peren kidar kaualap. 7A kotin kakaunda ni a manaman kokolata; jilan i kin ireron wei kan. Me kanudi kan jota kak pwaida. Jela. 8Komail wei kan kapina atail Kot, o komail kalaudela nil omail, pwen lel on waja doo. 9Me kotin kolekol on kitail maur atail, o jota mueid on, nä atail en krijedi. 10Pwe komui Kot me kotin kajonejon kit o kamakelekel kit er, dueta jilper kin kamakelekelada. 11Kom kotin mueid on, jen lodi ni injar o, kom katoutou kin kit men katoutou eu. 12Kom kotin mueid on aramaj kai, en tiakedi pon mon at; kit lel on kijiniai o pil; a kom kotin kapiti jan kit o kakele kit adar. 13I me i pan pedekilon on nan tanpaj omui, pwen mairon ijij, o i pan kapwaiada ai inau on komui, 14Duen kil en au ai inaukidar, o duen au ai inda ni ai anjau apwal: 15I pan mairon ijij on komui jip wi kan ianaki adiniai en jip ol, i pan maironki kau ianaki jip o kut ol akan. Jela. 16Komail karoj, me majak Kot, kodo re i, i pan kajoi on komail, duen me a kotin wiai on nen i. 17I likwirki on i au ai o i kapinaki i lo i. 18Ma i pan lamelame nan monion i, me i pan wiada me jued, Ieowa ap jota pan mani ia; 19A Kot kotin ereki ai kapakap, o a kotin manier ai nidinid. 20Kapina on Kot, me jota kotin mamaleki ai kapakap, o a jota kotiki wei jan ia a kalanan.