1I PAN kapina Ieowa anjau karoj; au ai pan kapina i kokolata. 2 Nen i en juaiki Ieowa, me luet akan pan ron, ap peren kida. 3Komail ian ia kapina Ieowa, pwe kitail en wiaki eu, kalanada mar a. 4Ni ai rapaki Ieowa, a kotin japen ia, o dore ia la jan nan ai majak karoj. 5Me kin ariri i, pan kakelada, o maj arail jota pan namenokala. 6Ol luet men et lao likwir, Ieowa ap kotin erekier o dorela i jan nan a apwal akan karoj. 7Toulan en Ieowa kotikot ren me lan i o kotin jauaja ir. 8Komail jon o kilan duen kalanan en Ieowa! Meid pai, me liki i! 9Lan Ieowa japwilim a jaraui kan! Pwe me kin lan i, jota pan anane meakot. 10Laien pulepul akan lekila o men manada, a me kin rapaki Ieowa, jota pan anane meakot. 11Jama ko, komail kodo re i, ron ia, i pan padaki on komail duen lan Ieowa: 12Ij me inon ion maur warai, o ij me mauki ran kajelel akan? 13Pere jan mejued lo om o kilin au om, pwe re der kotaue. 14A muei jan mejued, ap wiada me mau, rapaki popol ap dadaurata. 15Jilan en Ieowa mamani me pun kan, o karona ereki ar likwir; 16A jilan en Ieowa kin palian ir, me kin wia mejued, pwen kawe ir ala jan nan jappa. 17Irail kin likwir, Ieowa ap kotin mani ir o kotin jauaja ir jan ni ar apwal akan karoj. 18Ieowa koren ion ir, me monion arail arail olar, o kotin jauaja ir, me nen arail olar. 19Kalokolok toto lel on me pun kan, a Ieowa kin kotin jauaja ir jan nan mepukat karoj. 20A kotin jinjila kokon akan karoj, pwe eu ender tip pajan. 21Me jued kot pan kamela mo doo jan Kot akan, o me kin kailonki me pun kan, pan kalokolok. 22Ieowa kin kotin dorela nen en japwilim a ladu kan, o karoj me liki i jota pan kalokolok.