1 למנצח על-הגתית לאסף¶
2 הרנינו לאלהים עוזנו הריעו לאלהי יעקב¶
3 שאו-זמרה ותנו-תף כנור נעים עם-נבל¶
4 תקעו בחדש שופר בכסה ליום חגנו¶
5 כי חק לישראל הוא משפט לאלהי יעקב¶
6 עדות ביהוסף שמו— בצאתו על-ארץ מצרים
7 הסירותי מסבל שכמו כפיו מדוד תעברנה¶
8 בצרה קראת ואחלצך
9 שמע עמי ואעידה בך ישראל אם-תשמע-לי¶
10 לא-יהיה בך אל זר ולא תשתחוה לאל נכר¶
11 אנכי יהוה אלהיך— המעלך מארץ מצרים
12 ולא-שמע עמי לקולי וישראל לא-אבה לי¶
13 ואשלחהו בשרירות לבם ילכו במועצותיהם¶
14 לו—עמי שמע לי ישראל בדרכי יהלכו¶
15 כמעט אויביהם אכניע ועל צריהם אשיב ידי¶
16 משנאי יהוה יכחשו-לו ויהי עתם לעולם¶
17 ויאכילהו מחלב חטה ומצור דבש אשביעך