1 למנצח בנגינת מזמור לאסף שיר¶
2 נודע ביהודה אלהים בישראל גדול שמו¶
3 ויהי בשלם סוכו ומעונתו בציון¶
4 שמה שבר רשפי-קשת מגן וחרב ומלחמה סלה¶
5 נאור אתה אדיר— מהררי-טרף¶
6 אשתוללו אבירי לב— נמו שנתם
7 מגערתך אלהי יעקב נרדם ורכב וסוס¶
8 אתה נורא אתה—ומי-יעמד לפניך מאז אפך¶
9 משמים השמעת דין ארץ יראה ושקטה¶
10 בקום-למשפט אלהים— להושיע כל-ענוי-ארץ סלה¶
11 כי-חמת אדם תודך שארית חמת תחגר¶
12 נדרו ושלמו ליהוה אלהיכם כל-סביביו—יבילו שי למורא¶
13 יבצר רוח נגידים נורא למלכי-ארץ