1 למנצח מזמור לדוד שיר¶
2 לך דמיה תהלה אלהים בציון ולך ישלם-נדר¶
3 שמע תפלה— עדיך כל-בשר יבאו¶
4 דברי עונת גברו מני פשעינו אתה תכפרם¶
5 אשרי תבחר ותקרב— ישכן חצריך
6 נוראות בצדק תעננו— אלהי ישענו
7 מכין הרים בכחו נאזר בגבורה¶
8 משביח שאון ימים—שאון גליהם והמון לאמים¶
9 וייראו ישבי קצות—מאותתיך מוצאי בקר וערב תרנין¶
10 פקדת הארץ ותשקקה רבת תעשרנה— פלג אלהים מלא מים
11 תלמיה רוה נחת גדודה ברביבים תמגגנה צמחה תברך¶
12 עטרת שנת טובתך ומעגליך ירעפון דשן¶
13 ירעפו נאות מדבר וגיל גבעות תחגרנה¶
14 לבשו כרים הצאן— ועמקים יעטפו-בר