1 למנצח אל-תשחת לדוד מכתם בשלח שאול
2 הצילני מאיבי אלהי ממתקוממי תשגבני¶
3 הצילני מפעלי און ומאנשי דמים הושיעני¶
4 כי הנה ארבו לנפשי— יגורו עלי עזים
5 בלי-עון ירצון ויכוננו עורה לקראתי וראה¶
6 ואתה יהוה-אלהים צבאות אלהי ישראל— הקיצה לפקד כל-הגוים
7 ישובו לערב יהמו ככלב ויסובבו עיר¶
8 הנה יביעון בפיהם—חרבות בשפתותיהם כי-מי שמע¶
9 ואתה יהוה תשחק-למו תלעג לכל-גוים¶
10 עזו אליך אשמרה כי-אלהים משגבי¶
11 אלהי חסדו (חסדי) יקדמני אלהים יראני בשררי¶
12 אל-תהרגם פן ישכחו עמי—הניעמו בחילך והורידמו מגננו אדני¶
13 חטאת-פימו דבר-שפתימו
14 כלה בחמה כלה ואינמו
15 וישבו לערב יהמו ככלב ויסובבו עיר¶
16 המה ינועון (יניעון) לאכל— אם-לא ישבעו וילינו¶
17 ואני אשיר עזך— וארנן לבקר חסדך
18 עזי אליך אזמרה כי-אלהים משגבי אלהי חסדי