1 למנצח לידיתון (לידותון) מזמור לדוד¶
2 אמרתי— אשמרה דרכי מחטוא בלשוני
3 נאלמתי דומיה החשיתי מטוב וכאבי נעכר¶
4 חם-לבי בקרבי—בהגיגי תבער-אש דברתי בלשוני¶
5 הודיעני יהוה קצי—ומדת ימי מה-היא אדעה מה-חדל אני¶
6 הנה טפחות נתתה ימי— וחלדי כאין נגדך
7 אך-בצלם יתהלך-איש— אך-הבל יהמיון
8 ועתה מה-קויתי אדני— תוחלתי לך היא¶
9 מכל-פשעי הצילני חרפת נבל אל-תשימני¶
10 נאלמתי לא אפתח-פי כי אתה עשית¶
11 הסר מעלי נגעך מתגרת ידך אני כליתי¶
12 בתוכחות על-עון יסרת איש— ותמס כעש חמודו
13 שמעה תפלתי יהוה ושועתי האזינה—
14 השע ממני ואבליגה— בטרם אלך ואינני