1  מזמור לדוד    הבו ליהוה בני אלים הבו ליהוה כבוד ועז¶ 2  הבו ליהוה כבוד שמו    השתחוו ליהוה בהדרת-קדש¶ 3  קול יהוה    על-המים 4  קול-יהוה בכח    קול יהוה בהדר¶ 5  קול יהוה שבר ארזים    וישבר יהוה את-ארזי הלבנון¶ 6  וירקידם כמו-עגל    לבנון ושרין כמו בן-ראמים¶ 7  קול-יהוה חצב    להבות אש¶ 8  קול יהוה יחיל מדבר    יחיל יהוה מדבר קדש¶ 9  קול יהוה יחולל אילות—    ויחשף יערות 10  יהוה למבול ישב    וישב יהוה מלך לעולם¶ 11  יהוה—עז לעמו יתן    יהוה יברך את-עמו בשלום