1 לדוד ברוך יהוה צורי— המלמד ידי לקרב
2 חסדי ומצודתי משגבי ומפלטי-לי
3 יהוה—מה-אדם ותדעהו בן-אנוש ותחשבהו¶
4 אדם להבל דמה ימיו כצל עובר¶
5 יהוה הט-שמיך ותרד גע בהרים ויעשנו¶
6 ברוק ברק ותפיצם שלח חציך ותהמם¶
7 שלח ידיך ממרום פצני והצילני ממים רבים מיד בני נכר¶
8 אשר פיהם דבר-שוא וימינם ימין שקר¶
9 אלהים—שיר חדש אשירה לך בנבל עשור אזמרה-לך¶
10 הנותן תשועה למלכים הפוצה את-דוד עבדו—מחרב רעה¶
11 פצני והצילני מיד בני-נכר
12 אשר בנינו כנטעים— מגדלים בנעוריהם
13 מזוינו מלאים— מפיקים מזן אל-זן
14 אלופינו מסבלים אין-פרץ ואין יוצאת ואין צוחה ברחבתינו¶
15 אשרי העם שככה לו אשרי העם שיהוה אלהיו