1E HALELU aku ia Iehova: E halelu, e na kauwa a Iehova, E halelu aku oukou i ka inoa o Iehova. 2E hoomaikaiia ka inoa o Iehova, Mai keia wa aku a i ka manawa pau ole. 3Mai ka puka ana a ka la, a hiki i kona komo ana, E haleluia ka inoa o Iehova. 4Ua kiekie o Iehova, maluna o ko na aina a pau, A me kona hanohano hoi maluna o ka lani.
5Owai la ka i like me Iehova, ko kakou Akua? Ka mea hookiekie i kona wahi nobo ai; 6Ka mea hoohaahaa, e ike i ka lani, A i ka honua no hoi: 7Ka mea i hapai i ka mea ilihune, mai ka lepo mai, A hookiekie hoi i ka mea pilikia, mai ke kiona aku; 8I hoonoho ai oia ia ia me na'lii, Me na'lii hoi o kona poe kanaka. 9A hoonoho hoi oia i ka wahine pa ma ka hale, I makuwahine, e lealea ana i na keiki ana. E halelu aku oukou ia Iehova.