1Συ δε λαλει α πρεπει τῃ υγιαινουσῃ διδασκαλιᾳ. 2πρεσβυτας νηφαλιους ειναι, σεμνους, σωφρονας, υγιαινοντας τῃ πιστει, τῃ αγαπῃ, τῃ υπομονῃ· 3πρεσβυτιδας ωσαυτως εν καταστηματι ιεροπρεπεις, μη διαβολους μηδε οινῳ πολλῳ δεδουλωμενας, καλοδιδασκαλους, 4ινα σωφρονιζωσιν τας νεας φιλανδρους ειναι, φιλοτεκνους, 5σωφρονας, αγνας, οικουργους, αγαθας, υποτασσομενας τοις ιδιοις ανδρασιν, ινα μη ο λογος του Θεου βλασφημηται. 6Τους νεωτερους ωσαυτως παρακαλει σωφρονειν 7περι παντα, σεαυτον παρεχομενος τυπον καλων εργων, εν τῃ διδασκαλιᾳ αφθοριαν, σεμνοτητα, 8λογον υγιη ακαταγνωστον, ινα ο εξ εναντιας εντραπῃ μηδεν εχων λεγειν περι ημων φαυλον. 9δουλους ιδιοις δεσποταις υποτασσεσθαι εν πασιν, ευαρεστους ειναι, μη αντιλεγοντας, 10μη νοσφιζομενους, αλλα πασαν πιστιν ενδεικνυμενους αγαθην, ινα την διδασκαλιαν την του Σωτηρος ημων Θεου κοσμωσιν εν πασιν. 11Επεφανη γαρ η χαρις του Θεου σωτηριος πασιν ανθρωποις, 12παιδευουσα ημας, ινα αρνησαμενοι την ασεβειαν και τας κοσμικας επιθυμιας σωφρονως και δικαιως και ευσεβως ζησωμεν εν τῳ νυν αιωνι, 13προσδεχομενοι την μακαριαν ελπιδα και επιφανειαν της δοξης του μεγαλου Θεου και Σωτηρος ημων Χριστου Ιησου, 14ος εδωκεν εαυτον υπερ ημων ινα λυτρωσηται ημας απο πασης ανομιας και καθαρισῃ εαυτῳ λαον περιουσιον, ζηλωτην καλων εργων. 15Ταυτα λαλει και παρακαλει και ελεγχε μετα πασης επιταγης· μηδεις σου περιφρονειτω.