1Παυλος δουλος Θεου, αποστολος δε Ιησου Χριστου κατα πιστιν εκλεκτων Θεου και επιγνωσιν αληθειας της κατ ευσεβειαν 2επ ελπιδι ζωης αιωνιου, ην επηγγειλατο ο αψευδης Θεος προ χρονων αιωνιων, 3εφανερωσεν δε καιροις ιδιοις τον λογον αυτου εν κηρυγματι ο επιστευθην εγω κατ επιταγην του Σωτηρος ημων Θεου, 4Τιτῳ γνησιῳ τεκνῳ κατα κοινην πιστιν· χαρις και ειρηνη απο Θεου Πατρος και Χριστου Ιησου του Σωτηρος ημων. 5Τουτου χαριν απελιπον σε εν Κρητῃ ινα τα λειποντα επιδιορθωσῃ, και καταστησῃς κατα πολιν πρεσβυτερους, ως εγω σοι διεταξαμην, 6ει τις εστιν ανεγκλητος, μιας γυναικος ανηρ, τεκνα εχων πιστα, μη εν κατηγοριᾳ ασωτιας η ανυποτακτα. 7δει γαρ τον επισκοπον ανεγκλητον ειναι ως Θεου οικονομον, μη αυθαδη, μη οργιλον, μη παροινον, μη πληκτην, μη αισχροκερδη, 8αλλα φιλοξενον, φιλαγαθον, σωφρονα, δικαιον, οσιον, εγκρατη, 9αντεχομενον του κατα την διδαχην πιστου λογου, ινα δυνατος ῃ και παρακαλειν εν τῃ διδασκαλιᾳ τῃ υγιαινουσῃ και τους αντιλεγοντας ελεγχειν. 10Εισιν γαρ πολλοι ανυποτακτοι, ματαιολογοι και φρεναπαται, μαλιστα οι εκ της περιτομης, 11ους δει επιστομιζειν, οιτινες ολους οικους ανατρεπουσιν διδασκοντες α μη δει αισχρου κερδους χαριν. 12ειπεν τις εξ αυτων ιδιος αυτων προφητης Κρητες αει ψευσται, κακα θηρια, γαστερες αργαι. 13η μαρτυρια αυτη εστιν αληθης. δι ην αιτιαν ελεγχε αυτους αποτομως, ινα υγιαινωσιν εν τῃ πιστει, 14μη προσεχοντες Ιουδαικοις μυθοις και εντολαις ανθρωπων αποστρεφομενων την αληθειαν. 15παντα καθαρα τοις καθαροις· τοις δε μεμιαμμενοις και απιστοις ουδεν καθαρον, αλλα μεμιανται αυτων και ο νους και η συνειδησις. 16Θεον ομολογουσιν ειδεναι, τοις δε εργοις αρνουνται, βδελυκτοι οντες και απειθεις και προς παν εργον αγαθον αδοκιμοι.