1Και τῳ αγγελῳ της εν Σαρδεσιν εκκλησιας γραψον Ταδε λεγει ο εχων τα επτα Πνευματα του Θεου και τους επτα αστερας Οιδα σου τα εργα, οτι ονομα εχεις οτι ζῃς, και νεκρος ει. 2γινου γρηγορων, και στηρισον τα λοιπα α εμελλον αποθανειν· ου γαρ ευρηκα σου εργα πεπληρωμενα ενωπιον του Θεου μου· 3μνημονευε ουν πως ειληφας και ηκουσας, και τηρει και μετανοησον. εαν ουν μη γρηγορησῃς, ηξω ως κλεπτης, και ου μη γνῳς ποιαν ωραν ηξω επι σε. 4αλλα εχεις ολιγα ονοματα εν Σαρδεσιν α ουκ εμολυναν τα ιματια αυτων, και περιπατησουσιν μετ εμου εν λευκοις, οτι αξιοι εισιν. 5Ο νικων ουτως περιβαλειται εν ιματιοις λευκοις, και ου μη εξαλειψω το ονομα αυτου εκ της βιβλου της ζωης, και ομολογησω το ονομα αυτου ενωπιον του Πατρος μου και ενωπιον των αγγελων αυτου. 6Ο εχων ους ακουσατω τι το Πνευμα λεγει ταις εκκλησιαις. 7Και τῳ αγγελῳ της εν Φιλαδελφιᾳ εκκλησιας γραψον Ταδε λεγει ο αγιος, ο αληθινος, ο εχων την κλειν Δαυειδ, ο ανοιγων και ουδεις κλεισει, και κλειων και ουδεις ανοιγει 8Οιδα σου τα εργα· ιδου δεδωκα ενωπιον σου θυραν ηνεῳγμενην, ην ουδεις δυναται κλεισαι αυτην· οτι μικραν εχεις δυναμιν, και ετηρησας μου τον λογον και ουκ ηρνησω το ονομα μου. 9ιδου διδω εκ της συναγωγης του Σατανα, των λεγοντων εαυτους Ιουδαιους ειναι, και ουκ εισιν αλλα ψευδονται· ιδου ποιησω αυτους ινα ηξουσιν και προσκυνησουσιν ενωπιον των ποδων σου, και γνωσιν οτι εγω ηγαπησα σε. 10οτι ετηρησας τον λογον της υπομονης μου, καγω σε τηρησω εκ της ωρας του πειρασμου της μελλουσης ερχεσθαι επι της οικουμενης ολης, πειρασαι τους κατοικουντας επι της γης. 11ερχομαι ταχυ· κρατει ο εχεις, ινα μηδεις λαβῃ τον στεφανον σου. 12Ο νικων, ποιησω αυτον στυλον εν τῳ ναῳ του Θεου μου, και εξω ου μη εξελθῃ ετι, και γραψω επ αυτον το ονομα του Θεου μου και το ονομα της πολεως του Θεου μου, της καινης Ιερουσαλημ η καταβαινουσα εκ του ουρανου απο του Θεου μου, και το ονομα μου το καινον. 13Ο εχων ους ακουσατω τι το Πνευμα λεγει ταις εκκλησιαις. 14Και τῳ αγγελῳ της εν Λαοδικιᾳ εκκλησιας γραψον Ταδε λεγει ο Αμην, ο μαρτυς ο πιστος και αληθινος, η αρχη της κτισεως του Θεου 15Οιδα σου τα εργα, οτι ουτε ψυχρος ει ουτε ζεστος. οφελον ψυχρος ης η ζεστος. 16ουτως, οτι χλιαρος ει, και ουτε ζεστος ουτε ψυχρος, μελλω σε εμεσαι εκ του στοματος μου. 17οτι λεγεις οτι Πλουσιος ειμι και πεπλουτηκα και ουδεν χρειαν εχω, και ουκ οιδας οτι συ ει ο ταλαιπωρος και ελεεινος και πτωχος και τυφλος και γυμνος, 18συμβουλευω σοι αγορασαι παρ εμου χρυσιον πεπυρωμενον εκ πυρος ινα πλουτησῃς, και ιματια λευκα ινα περιβαλῃ και μη φανερωθῃ η αισχυνη της γυμνοτητος σου, και κολλουριον εγχρισαι τους οφθαλμους σου ινα βλεπῃς. 19εγω οσους εαν φιλω ελεγχω και παιδευω· ζηλευε ουν και μετανοησον. 20Ιδου εστηκα επι την θυραν και κρουω· εαν τις ακουσῃ της φωνης μου και ανοιξῃ την θυραν, εισελευσομαι προς αυτον και δειπνησω μετ αυτου και αυτος μετ εμου. 21Ο νικων δωσω αυτῳ καθισαι μετ εμου εν τῳ θρονῳ μου, ως καγω ενικησα και εκαθισα μετα του Πατρος μου εν τῳ θρονῳ αυτου. 22Ο εχων ους ακουσατω τι το Πνευμα λεγει ταις εκκλησιαις.