1Τῳ αγγελῳ της εν Εφεσῳ εκκλησιας γραψον Ταδε λεγει ο κρατων τους επτα αστερας εν τῃ δεξιᾳ αυτου, ο περιπατων εν μεσῳ των επτα λυχνιων των χρυσων 2Οιδα τα εργα σου και τον κοπον και την υπομονην σου, και οτι ου δυνῃ βαστασαι κακους, και επειρασας τους λεγοντας εαυτους αποστολους και ουκ εισιν, και ευρες αυτους ψευδεις· 3και υπομονην εχεις, και εβαστασας δια το ονομα μου, και ου κεκοπιακες. 4αλλα εχω κατα σου οτι την αγαπην σου την πρωτην αφηκες. 5μνημονευε ουν ποθεν πεπτωκες, και μετανοησον και τα πρωτα εργα ποιησον· ει δε μη, ερχομαι σοι και κινησω την λυχνιαν σου εκ του τοπου αυτης, εαν μη μετανοησῃς. 6αλλα τουτο εχεις, οτι μισεις τα εργα των Νικολαιτων, α καγω μισω. 7Ο εχων ους ακουσατω τι το Πνευμα λεγει ταις εκκλησιαις. Τῳ νικωντι δωσω αυτῳ φαγειν εκ του ξυλου της ζωης, ο εστιν εν τῳ Παραδεισῳ του Θεου. 8Και τῳ αγγελῳ της εν Σμυρνῃ εκκλησιας γραψον Ταδε λεγει ο πρωτος και ο εσχατος, ος εγενετο νεκρος και εζησεν 9Οιδα σου την θλιψιν και την πτωχειαν, αλλα πλουσιος ει, και την βλασφημιαν εκ των λεγοντων Ιουδαιους ειναι εαυτους, και ουκ εισιν αλλα συναγωγη του Σατανα. 10μη φοβου α μελλεις πασχειν. ιδου μελλει βαλλειν ο διαβολος εξ υμων εις φυλακην ινα πειρασθητε, και εξετε θλιψιν ημερων δεκα. γινου πιστος αχρι θανατου, και δωσω σοι τον στεφανον της ζωης. 11Ο εχων ους ακουσατω τι το Πνευμα λεγει ταις εκκλησιαις. Ο νικων ου μη αδικηθῃ εκ του θανατου του δευτερου. 12Και τῳ αγγελῳ της εν Περγαμῳ εκκλησιας γραψον Ταδε λεγει ο εχων την ρομφαιαν την διστομον την οξειαν 13Οιδα που κατοικεις· οπου ο θρονος του Σατανα· και κρατεις το ονομα μου, και ουκ ηρνησω την πιστιν μου και εν ταις ημεραις Αντιπας ο μαρτυς μου ο πιστος μου, ος απεκτανθη παρ υμιν, οπου ο Σατανας κατοικει. 14αλλ εχω κατα σου ολιγα, οτι εχεις εκει κρατουντας την διδαχην Βαλααμ, ος εδιδασκεν τῳ Βαλακ βαλειν σκανδαλον ενωπιον των υιων Ισραηλ, φαγειν ειδωλοθυτα και πορνευσαι. 15ουτως εχεις και συ κρατουντας την διδαχην των Νικολαιτων ομοιως. 16μετανοησον ουν· ει δε μη, ερχομαι σοι ταχυ και πολεμησω μετ αυτων εν τῃ ρομφαιᾳ του στοματος μου. 17Ο εχων ους ακουσατω τι το Πνευμα λεγει ταις εκκλησιαις. Τῳ νικωντι δωσω αυτῳ του μαννα του κεκρυμμενου, και δωσω αυτῳ ψηφον λευκην, και επι την ψηφον ονομα καινον γεγραμμενον, ο ουδεις οιδεν ει μη ο λαμβανων. 18Και τῳ αγγελῳ της εν Θυατειροις εκκλησιας γραψον Ταδε λεγει ο Υιος του Θεου, ο εχων τους οφθαλμους αυτου ως φλογα πυρος, και οι ποδες αυτου ομοιοι χαλκολιβανῳ 19Οιδα σου τα εργα και την αγαπην και την πιστιν και την διακονιαν και την υπομονην σου, και τα εργα σου τα εσχατα πλειονα των πρωτων. 20αλλα εχω κατα σου οτι αφεις την γυναικα Ιεζαβελ, η λεγουσα εαυτην προφητιν, και διδασκει και πλανᾳ τους εμους δουλους πορνευσαι και φαγειν ειδωλοθυτα· 21και εδωκα αυτῃ χρονον ινα μετανοησῃ, και ου θελει μετανοησαι εκ της πορνειας αυτης. 22ιδου βαλλω αυτην εις κλινην, και τους μοιχευοντας μετ αυτης εις θλιψιν μεγαλην, εαν μη μετανοησουσιν εκ των εργων αυτης· 23και τα τεκνα αυτης αποκτενω εν θανατῳ· και γνωσονται πασαι αι εκκλησιαι οτι εγω ειμι ο εραυνων νεφρους και καρδιας, και δωσω υμιν εκαστῳ κατα τα εργα υμων. 24υμιν δε λεγω τοις λοιποις τοις εν Θυατειροις, οσοι ουκ εχουσιν την διδαχην ταυτην, οιτινες ουκ εγνωσαν τα βαθεα του Σατανα, ως λεγουσιν, ου βαλλω εφ υμας αλλο βαρος· 25πλην ο εχετε κρατησατε αχρι ου αν ηξω. 26Και ο νικων και ο τηρων αχρι τελους τα εργα μου, δωσω αυτῳ εξουσιαν επι των εθνων, 27και ποιμανει αυτους εν ραβδῳ σιδηρᾳ, ως τα σκευη τα κεραμικα συντριβεται, 28ως καγω ειληφα παρα του Πατρος μου, και δωσω αυτῳ τον αστερα τον πρωινον. 29Ο εχων ους ακουσατω τι το Πνευμα λεγει ταις εκκλησιαις.