1Μετα ταυτα ηκουσα ως φωνην μεγαλην οχλου πολλου εν τῳ ουρανῳ λεγοντων Αλληλουια· η σωτηρια και η δοξα και η δυναμις του Θεου ημων, 2οτι αληθιναι και δικαιαι αι κρισεις αυτου· οτι εκρινεν την πορνην την μεγαλην ητις εφθειρεν την γην εν τῃ πορνειᾳ αυτης, και εξεδικησεν το αιμα των δουλων αυτου εκ χειρος αυτης. 3και δευτερον ειρηκαν Αλληλουια· και ο καπνος αυτης αναβαινει εις τους αιωνας των αιωνων. 4και επεσαν οι πρεσβυτεροι οι εικοσι τεσσαρες και τα τεσσερα ζῳα, και προσεκυνησαν τῳ Θεῳ τῳ καθημενῳ επι τῳ θρονῳ λεγοντες Αμην, Αλληλουια. 5και φωνη απο του θρονου εξηλθεν λεγουσα Αινειτε τῳ Θεῳ ημων, παντες οι δουλοι αυτου, οι φοβουμενοι αυτον, οι μικροι και οι μεγαλοι. 6Και ηκουσα ως φωνην οχλου πολλου και ως φωνην υδατων πολλων και ως φωνην βροντων ισχυρων, λεγοντων Αλληλουια, οτι εβασιλευσεν Κυριος ο Θεος ημων ο Παντοκρατωρ. 7χαιρωμεν και αγαλλιωμεν, και δωσομεν την δοξαν αυτῳ, οτι ηλθεν ο γαμος του Αρνιου, και η γυνη αυτου ητοιμασεν εαυτην, 8και εδοθη αυτῃ ινα περιβαληται βυσσινον λαμπρον καθαρον· το γαρ βυσσινον τα δικαιωματα των αγιων εστιν. 9Και λεγει μοι Γραψον Μακαριοι οι εις το δειπνον του γαμου του Αρνιου κεκλημενοι. και λεγει μοι Ουτοι οι λογοι αληθινοι του Θεου εισιν. 10και επεσα εμπροσθεν των ποδων αυτου προσκυνησαι αυτῳ. και λεγει μοι Ορα μη· συνδουλος σου ειμι και των αδελφων σου των εχοντων την μαρτυριαν Ιησου· τῳ Θεῳ προσκυνησον· η γαρ μαρτυρια Ιησου εστιν το πνευμα της προφητειας. 11Και ειδον τον ουρανον ηνεῳγμενον, και ιδου ιππος λευκος, και ο καθημενος επ αυτον καλουμενος Πιστος και Αληθινος, και εν δικαιοσυνῃ κρινει και πολεμει. 12οι δε οφθαλμοι αυτου φλοξ πυρος, και επι την κεφαλην αυτου διαδηματα πολλα, εχων ονομα γεγραμμενον ο ουδεις οιδεν ει μη αυτος, 13και περιβεβλημενος ιματιον βεβαμμενον αιματι, και κεκληται το ονομα αυτου Ο Λογος του Θεου. 14και τα στρατευματα τα εν τῳ ουρανῳ ηκολουθει αυτῳ εφ ιπποις λευκοις, ενδεδυμενοι βυσσινον λευκον καθαρον. 15και εκ του στοματος αυτου εκπορευεται ρομφαια οξεια, ινα εν αυτῃ παταξῃ τα εθνη· και αυτος ποιμανει αυτους εν ραβδῳ σιδηρᾳ· και αυτος πατει την ληνον του οινου του θυμου της οργης του Θεου του Παντοκρατορος. 16και εχει επι το ιματιον και επι τον μηρον αυτου ονομα γεγραμμενον ΒΑΣΙΛΕΥΣ ΒΑΣΙΛΕΩΝ ΚΑΙ ΚΥΡΙΟΣ ΚΥΡΙΩΝ. 17Και ειδον ενα αγγελον εστωτα εν τῳ ηλιῳ, και εκραξεν εν φωνῃ μεγαλῃ λεγων πασιν τοις ορνεοις τοις πετομενοις εν μεσουρανηματι Δευτε συναχθητε εις το δειπνον το μεγα του Θεου, 18ινα φαγητε σαρκας βασιλεων και σαρκας χιλιαρχων και σαρκας ισχυρων και σαρκας ιππων και των καθημενων επ αυτων, και σαρκας παντων ελευθερων τε και δουλων και μικρων και μεγαλων. 19Και ειδον το θηριον και τους βασιλεις της γης και τα στρατευματα αυτων συνηγμενα ποιησαι τον πολεμον μετα του καθημενου επι του ιππου και μετα του στρατευματος αυτου. 20και επιασθη το θηριον και μετ αυτου ο ψευδοπροφητης ο ποιησας τα σημεια ενωπιον αυτου, εν οις επλανησεν τους λαβοντας το χαραγμα του θηριου και τους προσκυνουντας τῃ εικονι αυτου· ζωντες εβληθησαν οι δυο εις την λιμνην του πυρος της καιομενης εν θειῳ. 21και οι λοιποι απεκτανθησαν εν τῃ ρομφαιᾳ του καθημενου επι του ιππου τῃ εξελθουσῃ εκ του στοματος αυτου, και παντα τα ορνεα εχορτασθησαν εκ των σαρκων αυτων.