1Και ειδον εκ της θαλασσης θηριον αναβαινον, εχον κερατα δεκα και κεφαλας επτα, και επι των κερατων αυτου δεκα διαδηματα, και επι τας κεφαλας αυτου ονοματα βλασφημιας. 2και το θηριον ο ειδον ην ομοιον παρδαλει, και οι ποδες αυτου ως αρκου, και το στομα αυτου ως στομα λεοντος. και εδωκεν αυτῳ ο δρακων την δυναμιν αυτου και τον θρονον αυτου και εξουσιαν μεγαλην. 3και μιαν εκ των κεφαλων αυτου ως εσφαγμενην εις θανατον, και η πληγη του θανατου αυτου εθεραπευθη. και εθαυμασθη ολη η γη οπισω του θηριου, 4και προσεκυνησαν τῳ δρακοντι οτι εδωκεν την εξουσιαν τῳ θηριῳ, και προσεκυνησαν τῳ θηριῳ λεγοντες Τις ομοιος τῳ θηριῳ, και τις δυναται πολεμησαι μετ αυτου; 5και εδοθη αυτῳ στομα λαλουν μεγαλα και βλασφημιας, και εδοθη αυτῳ εξουσια ποιησαι μηνας τεσσερακοντα δυο. 6και ηνοιξεν το στομα αυτου εις βλασφημιας προς τον Θεον, βλασφημησαι το ονομα αυτου και την σκηνην αυτου, τους εν τῳ ουρανῳ σκηνουντας. 7και εδοθη αυτῳ ποιησαι πολεμον μετα των αγιων και νικησαι αυτους, και εδοθη αυτῳ εξουσια επι πασαν φυλην και λαον και γλωσσαν και εθνος. 8και προσκυνησουσιν αυτον παντες οι κατοικουντες επι της γης, ου ου γεγραπται το ονομα αυτου εν τῳ βιβλιῳ της ζωης του Αρνιου του εσφαγμενου απο καταβολης κοσμου. 9Ει τις εχει ους, ακουσατω. 10ει τις εις αιχμαλωσιαν, εις αιχμαλωσιαν υπαγει· ει τις εν μαχαιρῃ αποκτενει, δει αυτον εν μαχαιρῃ αποκτανθηναι. Ωδε εστιν η υπομονη και η πιστις των αγιων. 11Και ειδον αλλο θηριον αναβαινον εκ της γης, και ειχεν κερατα δυο ομοια αρνιῳ, και ελαλει ως δρακων. 12και την εξουσιαν του πρωτου θηριου πασαν ποιει ενωπιον αυτου. και ποιει την γην και τους εν αυτῃ κατοικουντας ινα προσκυνησουσιν το θηριον το πρωτον, ου εθεραπευθη η πληγη του θανατου αυτου. 13και ποιει σημεια μεγαλα, ινα και πυρ ποιῃ εκ του ουρανου καταβαινειν εις την γην ενωπιον των ανθρωπων. 14και πλανᾳ τους κατοικουντας επι της γης δια τα σημεια α εδοθη αυτῳ ποιησαι ενωπιον του θηριου, λεγων τοις κατοικουσιν επι της γης ποιησαι εικονα τῳ θηριῳ, ος εχει την πληγην της μαχαιρης και εζησεν. 15και εδοθη αυτῳ δουναι πνευμα τῃ εικονι του θηριου, ινα και λαλησῃ η εικων του θηριου, και ποιησῃ ινα οσοι εαν μη προσκυνησωσιν τῃ εικονι του θηριου αποκτανθωσιν. 16και ποιει παντας, τους μικρους και τους μεγαλους, και τους πλουσιους και τους πτωχους, και τους ελευθερους και τους δουλους, ινα δωσιν αυτοις χαραγμα επι της χειρος αυτων της δεξιας η επι το μετωπον αυτων, 17και ινα μη τις δυνηται αγορασαι η πωλησαι ει μη ο εχων το χαραγμα το ονομα του θηριου η τον αριθμον του ονοματος αυτου. 18Ωδε η σοφια εστιν. ο εχων νουν ψηφισατω τον αριθμον του θηριου· αριθμος γαρ ανθρωπου εστιν. και ο αριθμος αυτου εξακοσιοι εξηκοντα εξ.