1Αποκαλυψις Ιησου Χριστου, ην εδωκεν αυτῳ ο Θεος, δειξαι τοις δουλοις αυτου α δει γενεσθαι εν ταχει, και εσημανεν αποστειλας δια του αγγελου αυτου, τῳ δουλῳ αυτου Ιωανῃ, 2ος εμαρτυρησεν τον λογον του Θεου και την μαρτυριαν Ιησου Χριστου, οσα ειδεν. 3Μακαριος ο αναγινωσκων και οι ακουοντες τους λογους της προφητειας και τηρουντες τα εν αυτῃ γεγραμμενα· ο γαρ καιρος εγγυς. 4Ιωανης ταις επτα εκκλησιαις ταις εν τῃ Ασιᾳ· χαρις υμιν και ειρηνη απο ο ων και ο ην και ο ερχομενος, και απο των επτα Πνευματων α ενωπιον του θρονου αυτου, 5και απο Ιησου Χριστου, ο μαρτυς ο πιστος, ο πρωτοτοκος των νεκρων και ο αρχων των βασιλεων της γης. Τῳ αγαπωντι ημας και λυσαντι ημας εκ των αμαρτιων ημων εν τῳ αιματι αυτου, 6και εποιησεν ημας βασιλειαν, ιερεις τῳ Θεῳ και Πατρι αυτου, αυτῳ η δοξα και το κρατος εις τους αιωνας των αιωνων· αμην. 7Ιδου ερχεται μετα των νεφελων, και οψεται αυτον πας οφθαλμος και οιτινες αυτον εξεκεντησαν, και κοψονται επ αυτον πασαι αι φυλαι της γης. ναι, αμην. 8Εγω ειμι το Αλφα και το Ω, λεγει Κυριος ο Θεος, ο ων και ο ην και ο ερχομενος, ο Παντοκρατωρ. 9Εγω Ιωανης, ο αδελφος υμων και συνκοινωνος εν τῃ θλιψει και βασιλειᾳ και υπομονῃ εν Ιησου, εγενομην εν τῃ νησῳ τῃ καλουμενῃ Πατμῳ δια τον λογον του Θεου και την μαρτυριαν Ιησου. 10εγενομην εν Πνευματι εν τῃ κυριακῃ ημερᾳ, και ηκουσα οπισω μου φωνην μεγαλην ως σαλπιγγος 11λεγουσης Ο βλεπεις γραψον εις βιβλιον και πεμψον ταις επτα εκκλησιαις, εις Εφεσον και εις Σμυρναν και εις Περγαμον και εις Θυατειρα και εις Σαρδεις και εις Φιλαδελφιαν και εις Λαοδικιαν. 12Και επεστρεψα βλεπειν την φωνην ητις ελαλει μετ εμου· και επιστρεψας ειδον επτα λυχνιας χρυσας, 13και εν μεσῳ των λυχνιων ομοιον υιον ανθρωπου, ενδεδυμενον ποδηρη και περιεζωσμενον προς τοις μαστοις ζωνην χρυσαν· 14η δε κεφαλη αυτου και αι τριχες λευκαι ως εριον λευκον ως χιων, και οι οφθαλμοι αυτου ως φλοξ πυρος, 15και οι ποδες αυτου ομοιοι χαλκολιβανῳ ως εν καμινῳ πεπυρωμενης, και η φωνη αυτου ως φωνη υδατων πολλων, 16και εχων εν τῃ δεξιᾳ χειρι αυτου αστερας επτα, και εκ του στοματος αυτου ρομφαια διστομος οξεια εκπορευομενη, και η οψις αυτου ως ο ηλιος φαινει εν τῃ δυναμει αυτου. 17Και οτε ειδον αυτον, επεσα προς τους ποδας αυτου ως νεκρος· και εθηκεν την δεξιαν αυτου επ εμε λεγων Μη φοβου· εγω ειμι ο πρωτος και ο εσχατος 18και ο Ζων, και εγενομην νεκρος και ιδου ζων ειμι εις τους αιωνας των αιωνων, και εχω τας κλεις του θανατου και του Αιδου. 19γραψον ουν α ειδες και α εισιν και α μελλει γενεσθαι μετα ταυτα. 20το μυστηριον των επτα αστερων ους ειδες επι της δεξιας μου, και τας επτα λυχνιας τας χρυσας· οι επτα αστερες αγγελοι των επτα εκκλησιων εισιν, και αι λυχνιαι αι επτα επτα εκκλησιαι εισιν.