1Ωστε, αδελφοι μου αγαπητοι και επιποθητοι, χαρα και στεφανος μου, ουτως στηκετε εν Κυριῳ, αγαπητοι. 2Ευοδιαν παρακαλω και Συντυχην παρακαλω το αυτο φρονειν εν Κυριῳ. 3ναι ερωτω και σε, γνησιε συνζυγε, συνλαμβανου αυταις, αιτινες εν τῳ ευαγγελιῳ συνηθλησαν μοι μετα και Κλημεντος και των λοιπων συνεργων μου, ων τα ονοματα εν βιβλῳ ζωης. 4Χαιρετε εν Κυριῳ παντοτε· παλιν ερω, χαιρετε. 5το επιεικες υμων γνωσθητω πασιν ανθρωποις. ο Κυριος εγγυς· 6μηδεν μεριμνατε, αλλ εν παντι τῃ προσευχῃ και τῃ δεησει μετα ευχαριστιας τα αιτηματα υμων γνωριζεσθω προς τον Θεον. 7και η ειρηνη του Θεου η υπερεχουσα παντα νουν φρουρησει τας καρδιας υμων και τα νοηματα υμων εν Χριστῳ Ιησου. 8Το λοιπον, αδελφοι, οσα εστιν αληθη, οσα σεμνα, οσα δικαια, οσα αγνα, οσα προσφιλη, οσα ευφημα, ει τις αρετη και ει τις επαινος, ταυτα λογιζεσθε· 9α και εμαθετε και παρελαβετε και ηκουσατε και ειδετε εν εμοι, ταυτα πρασσετε· και ο Θεος της ειρηνης εσται μεθ υμων. 10Εχαρην δε εν Κυριῳ μεγαλως οτι ηδη ποτε ανεθαλετε το υπερ εμου φρονειν· εφ ῳ και εφρονειτε, ηκαιρεισθε δε. 11ουχ οτι καθ υστερησιν λεγω· εγω γαρ εμαθον εν οις ειμι αυταρκης ειναι. 12οιδα και ταπεινουσθαι, οιδα και περισσευειν· εν παντι και εν πασιν μεμυημαι, και χορταζεσθαι και πειναν, και περισσευειν και υστερεισθαι. 13παντα ισχυω εν τῳ ενδυναμουντι με. 14πλην καλως εποιησατε συνκοινωνησαντες μου τῃ θλιψει. 15οιδατε δε και υμεις, Φιλιππησιοι, οτι εν αρχῃ του ευαγγελιου, οτε εξηλθον απο Μακεδονιας, ουδεμια μοι εκκλησια εκοινωνησεν εις λογον δοσεως και λημψεως ει μη υμεις μονοι, 16οτι και εν Θεσσαλονικῃ και απαξ και δις εις την χρειαν μοι επεμψατε. 17ουχ οτι επιζητω το δομα, αλλα επιζητω τον καρπον τον πλεοναζοντα εις λογον υμων. 18απεχω δε παντα και περισσευω· πεπληρωμαι δεξαμενος παρα Επαφροδιτου τα παρ υμων, οσμην ευωδιας, θυσιαν δεκτην, ευαρεστον τῳ Θεῳ. 19ο δε Θεος μου πληρωσει πασαν χρειαν υμων κατα το πλουτος αυτου εν δοξῃ εν Χριστῳ Ιησου. 20τῳ δε Θεῳ και Πατρι ημων η δοξα εις τους αιωνας των αιωνων· αμην. 21Ασπασασθε παντα αγιον εν Χριστῳ Ιησου. ασπαζονται υμας οι συν εμοι αδελφοι. 22ασπαζονται υμας παντες οι αγιοι, μαλιστα δε οι εκ της Καισαρος οικιας. 23Η χαρις του Κυριου Ιησου Χριστου μετα του πνευματος υμων.