1Προσεχετε δε την δικαιοσυνην υμων μη ποιειν εμπροσθεν των ανθρωπων προς το θεαθηναι αυτοις· ει δε μηγε, μισθον ουκ εχετε παρα τῳ Πατρι υμων τῳ εν τοις ουρανοις.
2Οταν ουν ποιῃς ελεημοσυνην, μη σαλπισῃς εμπροσθεν σου, ωσπερ οι υποκριται ποιουσιν εν ταις συναγωγαις και εν ταις ρυμαις, οπως δοξασθωσιν υπο των ανθρωπων· αμην λεγω υμιν, απεχουσιν τον μισθον αυτων.
3σου δε ποιουντος ελεημοσυνην μη γνωτω η αριστερα σου τι ποιει η δεξια σου,
4οπως ῃ σου η ελεημοσυνη εν τῳ κρυπτῳ· και ο Πατηρ σου ο βλεπων εν τῳ κρυπτῳ αποδωσει σοι.
5Και οταν προσευχησθε, ουκ εσεσθε ως οι υποκριται· οτι φιλουσιν εν ταις συναγωγαις και εν ταις γωνιαις των πλατειων εστωτες προσευχεσθαι, οπως φανωσιν τοις ανθρωποις· αμην λεγω υμιν, απεχουσιν τον μισθον αυτων.
6συ δε οταν προσευχῃ, εισελθε εις το ταμειον σου και κλεισας την θυραν σου προσευξαι τῳ Πατρι σου τῳ εν τῳ κρυπτῳ· και ο Πατηρ σου ο βλεπων εν τῳ κρυπτῳ αποδωσει σοι.
7Προσευχομενοι δε μη βατταλογησητε ωσπερ οι εθνικοι· δοκουσιν γαρ οτι εν τῃ πολυλογιᾳ αυτων εισακουσθησονται.
8μη ουν ομοιωθητε αυτοις· οιδεν γαρ ο Πατηρ υμων ων χρειαν εχετε προ του υμας αιτησαι αυτον.
9ουτως ουν προσευχεσθε υμεις Πατερ ημων ο εν τοις ουρανοις· Αγιασθητω το ονομα σου·
10ελθατω η βασιλεια σου· γενηθητω το θελημα σου, ως εν ουρανῳ και επι γης·
11Τον αρτον ημων τον επιουσιον δος ημιν σημερον·
12και αφες ημιν τα οφειληματα ημων, ως και ημεις αφηκαμεν τοις οφειλεταις ημων·
13και μη εισενεγκῃς ημας εις πειρασμον, αλλα ρυσαι ημας απο του πονηρου.
14Εαν γαρ αφητε τοις ανθρωποις τα παραπτωματα αυτων, αφησει και υμιν ο Πατηρ υμων ο ουρανιος·
15εαν δε μη αφητε τοις ανθρωποις, ουδε ο Πατηρ υμων αφησει τα παραπτωματα υμων.
16Οταν δε νηστευητε, μη γινεσθε ως οι υποκριται σκυθρωποι· αφανιζουσιν γαρ τα προσωπα αυτων οπως φανωσιν τοις ανθρωποις νηστευοντες· αμην λεγω υμιν, απεχουσιν τον μισθον αυτων.
17συ δε νηστευων αλειψαι σου την κεφαλην και το προσωπον σου νιψαι,
18οπως μη φανῃς τοις ανθρωποις νηστευων αλλα τῳ Πατρι σου τῳ εν τῳ κρυφαιῳ· και ο Πατηρ σου ο βλεπων εν τῳ κρυφαιῳ αποδωσει σοι.
19Μη θησαυριζετε υμιν θησαυρους επι της γης, οπου σης και βρωσις αφανιζει, και οπου κλεπται διορυσσουσιν και κλεπτουσιν·
20θησαυριζετε δε υμιν θησαυρους εν ουρανῳ, οπου ουτε σης ουτε βρωσις αφανιζει, και οπου κλεπται ου διορυσσουσιν ουδε κλεπτουσιν·
21οπου γαρ εστιν ο θησαυρος σου, εκει εσται και η καρδια σου.
22Ο λυχνος του σωματος εστιν ο οφθαλμος. εαν ουν ῃ ο οφθαλμος σου απλους, ολον το σωμα σου φωτεινον εσται·
23εαν δε ο οφθαλμος σου πονηρος ῃ, ολον το σωμα σου σκοτεινον εσται. ει ουν το φως το εν σοι σκοτος εστιν, το σκοτος ποσον.
24Ουδεις δυναται δυσι κυριοις δουλευειν· η γαρ τον ενα μισησει και τον ετερον αγαπησει, η ενος ανθεξεται και του ετερου καταφρονησει· ου δυνασθε Θεῳ δουλευειν και μαμωνᾳ.
25Δια τουτο λεγω υμιν, μη μεριμνατε τῃ ψυχῃ υμων τι φαγητε η τι πιητε, μηδε τῳ σωματι υμων τι ενδυσησθε· ουχι η ψυχη πλειον εστιν της τροφης και το σωμα του ενδυματος;
26εμβλεψατε εις τα πετεινα του ουρανου, οτι ου σπειρουσιν ουδε θεριζουσιν ουδε συναγουσιν εις αποθηκας, και ο Πατηρ υμων ο ουρανιος τρεφει αυτα· ουχ υμεις μαλλον διαφερετε αυτων;
27τις δε εξ υμων μεριμνων δυναται προσθειναι επι την ηλικιαν αυτου πηχυν ενα;
28και περι ενδυματος τι μεριμνατε; καταμαθετε τα κρινα του αγρου πως αυξανουσιν· ου κοπιωσιν ουδε νηθουσιν·
29λεγω δε υμιν οτι ουδε Σολομων εν πασῃ τῃ δοξῃ αυτου περιεβαλετο ως εν τουτων.
30ει δε τον χορτον του αγρου σημερον οντα και αυριον εις κλιβανον βαλλομενον ο Θεος ουτως αμφιεννυσιν, ου πολλῳ μαλλον υμας, ολιγοπιστοι;
31μη ουν μεριμνησητε λεγοντες· Τι φαγωμεν; η· Τι πιωμεν; η· Τι περιβαλωμεθα;
32παντα γαρ ταυτα τα εθνη επιζητουσιν· οιδεν γαρ ο Πατηρ υμων ο ουρανιος οτι χρῃζετε τουτων απαντων.
33ζητειτε δε πρωτον την βασιλειαν και την δικαιοσυνην αυτου, και ταυτα παντα προστεθησεται υμιν.
34μη ουν μεριμνησητε εις την αυριον, η γαρ αυριον μεριμνησει εαυτης· αρκετον τῃ ημερᾳ η κακια αυτης.