1Εν δε ταις ημεραις εκειναις παραγινεται Ιωανης ο βαπτιστης κηρυσσων εν τῃ ερημῳ της Ιουδαιας, 2λεγων Μετανοειτε· ηγγικεν γαρ η βασιλεια των ουρανων. 3ουτος γαρ εστιν ο ρηθεις δια Ησαιου του προφητου λεγοντος Φωνη βοωντος εν τῃ ερημῳ Ετοιμασατε την οδον Κυριου, ευθειας ποιειτε τας τριβους αυτου. 4Αυτος δε ο Ιωανης ειχεν το ενδυμα αυτου απο τριχων καμηλου και ζωνην δερματινην περι την οσφυν αυτου· η δε τροφη ην αυτου ακριδες και μελι αγριον. 5Τοτε εξεπορευετο προς αυτον Ιεροσολυμα και πασα η Ιουδαια και πασα η περιχωρος του Ιορδανου, 6και εβαπτιζοντο εν τῳ Ιορδανῃ ποταμῳ υπ αυτου εξομολογουμενοι τας αμαρτιας αυτων. 7Ιδων δε πολλους των Φαρισαιων και Σαδδουκαιων ερχομενους επι το βαπτισμα ειπεν αυτοις Γεννηματα εχιδνων, τις υπεδειξεν υμιν φυγειν απο της μελλουσης οργης; 8ποιησατε ουν καρπον αξιον της μετανοιας· 9και μη δοξητε λεγειν εν εαυτοις Πατερα εχομεν τον Αβρααμ· λεγω γαρ υμιν οτι δυναται ο Θεος εκ των λιθων τουτων εγειραι τεκνα τῳ Αβρααμ. 10ηδη δε η αξινη προς την ριζαν των δενδρων κειται· παν ουν δενδρον μη ποιουν καρπον καλον εκκοπτεται και εις πυρ βαλλεται. 11εγω μεν υμας βαπτιζω εν υδατι εις μετανοιαν· ο δε οπισω μου ερχομενος ισχυροτερος μου εστιν, ου ουκ ειμι ικανος τα υποδηματα βαστασαι· αυτος υμας βαπτισει εν Πνευματι Αγιῳ και πυρι· 12ου το πτυον εν τῃ χειρι αυτου, και διακαθαριει την αλωνα αυτου, και συναξει τον σιτον αυτου εις την αποθηκην, το δε αχυρον κατακαυσει πυρι ασβεστῳ. 13Τοτε παραγινεται ο Ιησους απο της Γαλιλαιας επι τον Ιορδανην προς τον Ιωανην του βαπτισθηναι υπ αυτου. 14ο δε διεκωλυεν αυτον λεγων Εγω χρειαν εχω υπο σου βαπτισθηναι, και συ ερχῃ προς με; 15αποκριθεις δε ο Ιησους ειπεν αυτῳ Αφες αρτι· ουτως γαρ πρεπον εστιν ημιν πληρωσαι πασαν δικαιοσυνην. τοτε αφιησιν αυτον. 16βαπτισθεις δε ο Ιησους ευθυς ανεβη απο του υδατος· και ιδου ηνεῳχθησαν οι ουρανοι, και ειδεν Πνευμα Θεου καταβαινον ωσει περιστεραν ερχομενον επ αυτον· 17και ιδου φωνη εκ των ουρανων λεγουσα Ουτος εστιν ο Υιος μου ο αγαπητος, εν ῳ ευδοκησα.