1Πρωιας δε γενομενης συμβουλιον ελαβον παντες οι αρχιερεις και οι πρεσβυτεροι του λαου κατα του Ιησου ωστε θανατωσαι αυτον· 2και δησαντες αυτον απηγαγον και παρεδωκαν Πειλατῳ τῳ ηγεμονι. 3Τοτε ιδων Ιουδας ο παραδους αυτον οτι κατεκριθη, μεταμεληθεις εστρεψεν τα τριακοντα αργυρια τοις αρχιερευσιν και πρεσβυτεροις 4λεγων Ημαρτον παραδους αιμα αθῳον. οι δε ειπαν Τι προς ημας; συ οψῃ. 5και ριψας τα αργυρια εις τον ναον ανεχωρησεν, και απελθων απηγξατο. 6οι δε αρχιερεις λαβοντες τα αργυρια ειπαν Ουκ εξεστιν βαλειν αυτα εις τον κορβαναν, επει τιμη αιματος εστιν. 7συμβουλιον δε λαβοντες ηγορασαν εξ αυτων τον αγρον του κεραμεως εις ταφην τοις ξενοις. 8διο εκληθη ο αγρος εκεινος Αγρος αιματος εως της σημερον. 9τοτε επληρωθη το ρηθεν δια Ιερεμιου του προφητου λεγοντος Και ελαβον τα τριακοντα αργυρια, την τιμην του τετιμημενου ον ετιμησαντο απο υιων Ισραηλ, 10και εδωκαν αυτα εις τον αγρον του κεραμεως, καθα συνεταξεν μοι Κυριος. 11Ο δε Ιησους εσταθη εμπροσθεν του ηγεμονος· και επηρωτησεν αυτον ο ηγεμων λεγων Συ ει ο Βασιλευς των Ιουδαιων; ο δε Ιησους εφη Συ λεγεις. 12και εν τῳ κατηγορεισθαι αυτον υπο των αρχιερεων και πρεσβυτερων ουδεν απεκρινατο. 13τοτε λεγει αυτῳ ο Πειλατος Ουκ ακουεις ποσα σου καταμαρτυρουσιν; 14και ουκ απεκριθη αυτῳ προς ουδε εν ρημα, ωστε θαυμαζειν τον ηγεμονα λιαν. 15Κατα δε εορτην ειωθει ο ηγεμων απολυειν ενα τῳ οχλῳ δεσμιον ον ηθελον. 16ειχον δε τοτε δεσμιον επισημον λεγομενον Βαραββαν. 17συνηγμενων ουν αυτων ειπεν αυτοις ο Πειλατος Τινα θελετε απολυσω υμιν, Βαραββαν η Ιησουν τον λεγομενον Χριστον; 18ῃδει γαρ οτι δια φθονον παρεδωκαν αυτον. 19Καθημενου δε αυτου επι του βηματος απεστειλεν προς αυτον η γυνη αυτου λεγουσα Μηδεν σοι και τῳ δικαιῳ εκεινῳ· πολλα γαρ επαθον σημερον κατ οναρ δι αυτον. 20Οι δε αρχιερεις και οι πρεσβυτεροι επεισαν τους οχλους ινα αιτησωνται τον Βαραββαν, τον δε Ιησουν απολεσωσιν. 21αποκριθεις δε ο ηγεμων ειπεν αυτοις Τινα θελετε απο των δυο απολυσω υμιν; οι δε ειπαν Τον Βαραββαν. 22λεγει αυτοις ο Πειλατος Τι ουν ποιησω Ιησουν τον λεγομενον Χριστον; λεγουσιν παντες Σταυρωθητω. 23ο δε εφη Τι γαρ κακον εποιησεν; οι δε περισσως εκραζον λεγοντες Σταυρωθητω. 24ιδων δε ο Πειλατος οτι ουδεν ωφελει αλλα μαλλον θορυβος γινεται, λαβων υδωρ απενιψατο τας χειρας κατεναντι του οχλου λεγων Αθῳος ειμι απο του αιματος τουτου· υμεις οψεσθε. 25και αποκριθεις πας ο λαος ειπεν Το αιμα αυτου εφ ημας και επι τα τεκνα ημων. 26τοτε απελυσεν αυτοις τον Βαραββαν, τον δε Ιησουν φραγελλωσας παρεδωκεν ινα σταυρωθῃ. 27Τοτε οι στρατιωται του ηγεμονος παραλαβοντες τον Ιησουν εις το πραιτωριον συνηγαγον επ αυτον ολην την σπειραν. 28και εκδυσαντες αυτον χλαμυδα κοκκινην περιεθηκαν αυτῳ, 29και πλεξαντες στεφανον εξ ακανθων επεθηκαν επι της κεφαλης αυτου και καλαμον εν τῃ δεξιᾳ αυτου, και γονυπετησαντες εμπροσθεν αυτου ενεπαιξαν αυτῳ λεγοντες Χαιρε, Βασιλευ των Ιουδαιων, 30και εμπτυσαντες εις αυτον ελαβον τον καλαμον και ετυπτον εις την κεφαλην αυτου. 31και οτε ενεπαιξαν αυτῳ, εξεδυσαν αυτον την χλαμυδα και ενεδυσαν αυτον τα ιματια αυτου, και απηγαγον αυτον εις το σταυρωσαι. 32Εξερχομενοι δε ευρον ανθρωπον Κυρηναιον, ονοματι Σιμωνα· τουτον ηγγαρευσαν ινα αρῃ τον σταυρον αυτου. 33Και ελθοντες εις τοπον λεγομενον Γολγοθα, ο εστιν κρανιου τοπος λεγομενος, 34εδωκαν αυτῳ πιειν οινον μετα χολης μεμιγμενον· και γευσαμενος ουκ ηθελησεν πιειν. 35σταυρωσαντες δε αυτον διεμερισαντο τα ιματια αυτου βαλλοντες κληρον, 36και καθημενοι ετηρουν αυτον εκει. 37και επεθηκαν επανω της κεφαλης αυτου την αιτιαν αυτου γεγραμμενην ΟΥΤΟΣ ΕΣΤΙΝ ΙΗΣΟΥΣ Ο ΒΑΣΙΛΕΥΣ ΤΩΝ ΙΟΥΔΑΙΩΝ. 38Τοτε σταυρουνται συν αυτῳ δυο λῃσται, εις εκ δεξιων και εις εξ ευωνυμων. 39Οι δε παραπορευομενοι εβλασφημουν αυτον κινουντες τας κεφαλας αυτων 40και λεγοντες Ο καταλυων τον ναον και εν τρισιν ημεραις οικοδομων, σωσον σεαυτον, ει Υιος ει του Θεου, και καταβηθι απο του σταυρου. 41ομοιως οι αρχιερεις εμπαιζοντες μετα των γραμματεων και πρεσβυτερων ελεγον 42Αλλους εσωσεν, εαυτον ου δυναται σωσαι· Βασιλευς Ισραηλ εστιν, καταβατω νυν απο του σταυρου και πιστευσομεν επ αυτον. 43πεποιθεν επι τον Θεον, ρυσασθω νυν ει θελει αυτον· ειπεν γαρ οτι Θεου ειμι Υιος. 44το δ αυτο και οι λῃσται οι συνσταυρωθεντες συν αυτῳ ωνειδιζον αυτον. 45Απο δε εκτης ωρας σκοτος εγενετο επι πασαν την γην εως ωρας ενατης. 46περι δε την ενατην ωραν ανεβοησεν ο Ιησους φωνῃ μεγαλῃ λεγων Ηλει Ηλει λεμα σαβαχθανει; τουτ εστιν Θεε μου θεε μου, ινα τι με εγκατελιπες; 47τινες δε των εκει εστηκοτων ακουσαντες ελεγον οτι Ηλειαν φωνει ουτος. 48και ευθεως δραμων εις εξ αυτων και λαβων σπογγον πλησας τε οξους και περιθεις καλαμῳ εποτιζεν αυτον. 49οι δε λοιποι ειπαν Αφες ιδωμεν ει ερχεται Ηλειας σωσων αυτον. 50ο δε Ιησους παλιν κραξας φωνῃ μεγαλῃ αφηκεν το πνευμα. 51Και ιδου το καταπετασμα του ναου εσχισθη απ ανωθεν εως κατω εις δυο, και η γη εσεισθη, και αι πετραι εσχισθησαν, 52και τα μνημεια ανεῳχθησαν και πολλα σωματα των κεκοιμημενων αγιων ηγερθησαν· 53και εξελθοντες εκ των μνημειων μετα την εγερσιν αυτου εισηλθον εις την αγιαν πολιν και ενεφανισθησαν πολλοις. 54Ο δε εκατονταρχος και οι μετ αυτου τηρουντες τον Ιησουν ιδοντες τον σεισμον και τα γινομενα εφοβηθησαν σφοδρα, λεγοντες Αληθως Θεου Υιος ην ουτος. 55Ησαν δε εκει γυναικες πολλαι απο μακροθεν θεωρουσαι, αιτινες ηκολουθησαν τῳ Ιησου απο της Γαλιλαιας διακονουσαι αυτῳ· 56εν αις ην Μαρια η Μαγδαληνη, και Μαρια η του Ιακωβου και Ιωσηφ μητηρ, και η μητηρ των υιων Ζεβεδαιου. 57Οψιας δε γενομενης ηλθεν ανθρωπος πλουσιος απο Αριμαθαιας, τουνομα Ιωσηφ, ος και αυτος εμαθητευθη τῳ Ιησου· 58ουτος προσελθων τῳ Πειλατῳ ῃτησατο το σωμα του Ιησου. τοτε ο Πειλατος εκελευσεν αποδοθηναι. 59και λαβων το σωμα ο Ιωσηφ ενετυλιξεν αυτο εν σινδονι καθαρᾳ, 60και εθηκεν αυτο εν τῳ καινῳ αυτου μνημειῳ ο ελατομησεν εν τῃ πετρᾳ, και προσκυλισας λιθον μεγαν τῃ θυρᾳ του μνημειου απηλθεν. 61Ην δε εκει Μαριαμ η Μαγδαληνη και η αλλη Μαρια, καθημεναι απεναντι του ταφου. 62Τῃ δε επαυριον, ητις εστιν μετα την Παρασκευην, συνηχθησαν οι αρχιερεις και οι Φαρισαιοι προς Πειλατον 63λεγοντες Κυριε, εμνησθημεν οτι εκεινος ο πλανος ειπεν ετι ζων Μετα τρεις ημερας εγειρομαι. 64κελευσον ουν ασφαλισθηναι τον ταφον εως της τριτης ημερας, μη ποτε ελθοντες οι μαθηται κλεψωσιν αυτον και ειπωσιν τῳ λαῳ Ηγερθη απο των νεκρων, και εσται η εσχατη πλανη χειρων της πρωτης. 65εφη αυτοις ο Πειλατος Εχετε κουστωδιαν· υπαγετε ασφαλισασθε ως οιδατε. 66οι δε πορευθεντες ησφαλισαντο τον ταφον σφραγισαντες τον λιθον μετα της κουστωδιας.