1Τοτε ο Ιησους ελαλησεν τοις οχλοις και τοις μαθηταις αυτου 2λεγων Επι της Μωυσεως καθεδρας εκαθισαν οι γραμματεις και οι Φαρισαιοι. 3παντα ουν οσα εαν ειπωσιν υμιν ποιησατε και τηρειτε, κατα δε τα εργα αυτων μη ποιειτε· λεγουσιν γαρ και ου ποιουσιν. 4δεσμευουσιν δε φορτια βαρεα και επιτιθεασιν επι τους ωμους των ανθρωπων, αυτοι δε τῳ δακτυλῳ αυτων ου θελουσιν κινησαι αυτα. 5παντα δε τα εργα αυτων ποιουσιν προς το θεαθηναι τοις ανθρωποις· πλατυνουσιν γαρ τα φυλακτηρια αυτων και μεγαλυνουσιν τα κρασπεδα, 6φιλουσιν δε την πρωτοκλισιαν εν τοις δειπνοις και τας πρωτοκαθεδριας εν ταις συναγωγαις 7και τους ασπασμους εν ταις αγοραις και καλεισθαι υπο των ανθρωπων Ραββει. 8υμεις δε μη κληθητε Ραββει· εις γαρ εστιν υμων ο διδασκαλος, παντες δε υμεις αδελφοι εστε. 9και πατερα μη καλεσητε υμων επι της γης· εις γαρ εστιν υμων ο Πατηρ ο ουρανιος. 10μηδε κληθητε καθηγηται, οτι καθηγητης υμων εστιν εις ο Χριστος. 11ο δε μειζων υμων εσται υμων διακονος. 12Οστις δε υψωσει εαυτον ταπεινωθησεται, και οστις ταπεινωσει εαυτον υψωθησεται. 13Ουαι δε υμιν, γραμματεις και Φαρισαιοι υποκριται, οτι κλειετε την βασιλειαν των ουρανων εμπροσθεν των ανθρωπων· υμεις γαρ ουκ εισερχεσθε, ουδε τους εισερχομενους αφιετε εισελθειν. 14 15Ουαι υμιν, γραμματεις και Φαρισαιοι υποκριται, οτι περιαγετε την θαλασσαν και την ξηραν ποιησαι ενα προσηλυτον, και οταν γενηται, ποιειτε αυτον υιον γεεννης διπλοτερον υμων. 16Ουαι υμιν, οδηγοι τυφλοι οι λεγοντες Ος αν ομοσῃ εν τῳ ναῳ, ουδεν εστιν· ος δ αν ομοσῃ εν τῳ χρυσῳ του ναου, οφειλει. 17μωροι και τυφλοι, τις γαρ μειζων εστιν, ο χρυσος η ο ναος ο αγιασας τον χρυσον; 18και Ος αν ομοσῃ εν τῳ θυσιαστηριῳ, ουδεν εστιν· ος δ αν ομοσῃ εν τῳ δωρῳ τῳ επανω αυτου, οφειλει. 19τυφλοι, τι γαρ μειζον, το δωρον η το θυσιαστηριον το αγιαζον το δωρον; 20ο ουν ομοσας εν τῳ θυσιαστηριῳ ομνυει εν αυτῳ και εν πασι τοις επανω αυτου· 21και ο ομοσας εν τῳ ναῳ ομνυει εν αυτῳ και εν τῳ κατοικουντι αυτον· 22και ο ομοσας εν τῳ ουρανῳ ομνυει εν τῳ θρονῳ του Θεου και εν τῳ καθημενῳ επανω αυτου. 23Ουαι υμιν, γραμματεις και Φαρισαιοι υποκριται, οτι αποδεκατουτε το ηδυοσμον και το ανηθον και το κυμινον, και αφηκατε τα βαρυτερα του νομου, την κρισιν και το ελεος και την πιστιν· ταυτα δε εδει ποιησαι κακεινα μη αφειναι. 24οδηγοι τυφλοι, οι διυλιζοντες τον κωνωπα, την δε καμηλον καταπινοντες. 25Ουαι υμιν, γραμματεις και Φαρισαιοι υποκριται, οτι καθαριζετε το εξωθεν του ποτηριου και της παροψιδος, εσωθεν δε γεμουσιν εξ αρπαγης και ακρασιας. 26Φαρισαιε τυφλε, καθαρισον πρωτον το εντος του ποτηριου ινα γενηται και το εκτος αυτου καθαρον. 27Ουαι υμιν, γραμματεις και Φαρισαιοι υποκριται, οτι παρομοιαζετε ταφοις κεκονιαμενοις, οιτινες εξωθεν μεν φαινονται ωραιοι, εσωθεν δε γεμουσιν οστεων νεκρων και πασης ακαθαρσιας. 28ουτως και υμεις εξωθεν μεν φαινεσθε τοις ανθρωποις δικαιοι, εσωθεν δε εστε μεστοι υποκρισεως και ανομιας. 29Ουαι υμιν, γραμματεις και Φαρισαιοι υποκριται, οτι οικοδομειτε τους ταφους των προφητων και κοσμειτε τα μνημεια των δικαιων, 30και λεγετε Ει ημεθα εν ταις ημεραις των πατερων ημων, ουκ αν ημεθα αυτων κοινωνοι εν τῳ αιματι των προφητων. 31ωστε μαρτυρειτε εαυτοις οτι υιοι εστε των φονευσαντων τους προφητας. 32και υμεις πληρωσατε το μετρον των πατερων υμων. 33οφεις, γεννηματα εχιδνων, πως φυγητε απο της κρισεως της γεεννης; 34δια τουτο ιδου εγω αποστελλω προς υμας προφητας και σοφους και γραμματεις· εξ αυτων αποκτενειτε και σταυρωσετε, και εξ αυτων μαστιγωσετε εν ταις συναγωγαις υμων και διωξετε απο πολεως εις πολιν· 35οπως ελθῃ εφ υμας παν αιμα δικαιον εκχυννομενον επι της γης απο του αιματος Αβελ του δικαιου εως του αιματος Ζαχαριου υιου Βαραχιου, ον εφονευσατε μεταξυ του ναου και του θυσιαστηριου. 36αμην λεγω υμιν, ηξει ταυτα παντα επι την γενεαν ταυτην. 37Ιερουσαλημ Ιερουσαλημ, η αποκτεινουσα τους προφητας και λιθοβολουσα τους απεσταλμενους προς αυτην, ποσακις ηθελησα επισυναγαγειν τα τεκνα σου, ον τροπον ορνις επισυναγει τα νοσσια αυτης υπο τας πτερυγας, και ουκ ηθελησατε. 38ιδου αφιεται υμιν ο οικος υμων. 39λεγω γαρ υμιν, ου μη με ιδητε απ αρτι εως αν ειπητε Ευλογημενος ο ερχομενος εν ονοματι Κυριου.