1Και ευθυς πρωι συμβουλιον ετοιμασαντες οι αρχιερεις μετα των πρεσβυτερων και γραμματεων και ολον το συνεδριον, δησαντες τον Ιησουν απηνεγκαν και παρεδωκαν Πειλατῳ.
2και επηρωτησεν αυτον ο Πειλατος Συ ει ο Βασιλευς των Ιουδαιων; ο δε αποκριθεις αυτῳ λεγει Συ λεγεις.
3και κατηγορουν αυτου οι αρχιερεις πολλα.
4ο δε Πειλατος παλιν επηρωτα αυτον λεγων Ουκ αποκρινῃ ουδεν; ιδε ποσα σου κατηγορουσιν.
5ο δε Ιησους ουκετι ουδεν απεκριθη, ωστε θαυμαζειν τον Πειλατον.
6Κατα δε εορτην απελυεν αυτοις ενα δεσμιον ον παρῃτουντο.
7ην δε ο λεγομενος Βαραββας μετα των στασιαστων δεδεμενος, οιτινες εν τῃ στασει φονον πεποιηκεισαν.
8και αναβας ο οχλος ηρξατο αιτεισθαι καθως εποιει αυτοις.
9ο δε Πειλατος απεκριθη αυτοις λεγων Θελετε απολυσω υμιν τον Βασιλεα των Ιουδαιων;
10εγινωσκεν γαρ οτι δια φθονον παραδεδωκεισαν αυτον οι αρχιερεις.
11οι δε αρχιερεις ανεσεισαν τον οχλον ινα μαλλον τον Βαραββαν απολυσῃ αυτοις.
12ο δε Πειλατος παλιν αποκριθεις ελεγεν αυτοις Τι ουν ποιησω ον λεγετε τον Βασιλεα των Ιουδαιων;
13οι δε παλιν εκραξαν Σταυρωσον αυτον.
14ο δε Πειλατος ελεγεν αυτοις Τι γαρ εποιησεν κακον; οι δε περισσως εκραξαν Σταυρωσον αυτον.
15ο δε Πειλατος βουλομενος τῳ οχλῳ το ικανον ποιησαι απελυσεν αυτοις τον Βαραββαν, και παρεδωκεν τον Ιησουν φραγελλωσας ινα σταυρωθῃ.
16Οι δε στρατιωται απηγαγον αυτον εσω της αυλης, ο εστιν Πραιτωριον, και συνκαλουσιν ολην την σπειραν.
17και ενδιδυσκουσιν αυτον πορφυραν και περιτιθεασιν αυτῳ πλεξαντες ακανθινον στεφανον·
18και ηρξαντο ασπαζεσθαι αυτον Χαιρε, Βασιλευ των Ιουδαιων·
19και ετυπτον αυτου την κεφαλην καλαμῳ και ενεπτυον αυτῳ, και τιθεντες τα γονατα προσεκυνουν αυτῳ.
20και οτε ενεπαιξαν αυτῳ, εξεδυσαν αυτον την πορφυραν και ενεδυσαν αυτον τα ιματια αυτου. Και εξαγουσιν αυτον ινα σταυρωσωσιν αυτον.
21και αγγαρευουσιν παραγοντα τινα Σιμωνα Κυρηναιον ερχομενον απ αγρου, τον πατερα Αλεξανδρου και Ρουφου, ινα αρῃ τον σταυρον αυτου.
22και φερουσιν αυτον επι τον Γολγοθαν τοπον, ο εστιν μεθερμηνευομενος Κρανιου τοπος.
23και εδιδουν αυτῳ εσμυρνισμενον οινον· ος δε ουκ ελαβεν.
24και σταυρουσιν αυτον, και διαμεριζονται τα ιματια αυτου, βαλλοντες κληρον επ αυτα τις τι αρῃ.
25ην δε ωρα τριτη και εσταυρωσαν αυτον.
26και ην η επιγραφη της αιτιας αυτου επιγεγραμμενη Ο ΒΑΣΙΛΕΥΣ ΤΩΝ ΙΟΥΔΑΙΩΝ.
27Και συν αυτῳ σταυρουσιν δυο λῃστας, ενα εκ δεξιων και ενα εξ ευωνυμων αυτου.
28
29Και οι παραπορευομενοι εβλασφημουν αυτον κινουντες τας κεφαλας αυτων και λεγοντες Ουα ο καταλυων τον ναον και οικοδομων εν τρισιν ημεραις,
30σωσον σεαυτον καταβας απο του σταυρου.
31ομοιως και οι αρχιερεις εμπαιζοντες προς αλληλους μετα των γραμματεων ελεγον Αλλους εσωσεν, εαυτον ου δυναται σωσαι·
32ο Χριστος ο Βασιλευς Ισραηλ καταβατω νυν απο του σταυρου, ινα ιδωμεν και πιστευσωμεν. και οι συνεσταυρωμενοι συν αυτῳ ωνειδιζον αυτον.
33Και γενομενης ωρας εκτης σκοτος εγενετο εφ ολην την γην εως ωρας ενατης.
34και τῃ ενατῃ ωρᾳ εβοησεν ο Ιησους φωνῃ μεγαλῃ Ελωι Ελωι λαμα σαβαχθανει; ο εστιν μεθερμηνευομενον Ο Θεος μου ο Θεος μου, εις τι εγκατελιπες με;
35και τινες των παρεστηκοτων ακουσαντες ελεγον Ιδε Ηλειαν φωνει.
36δραμων δε τις και γεμισας σπογγον οξους περιθεις καλαμῳ εποτιζεν αυτον, λεγων Αφετε ιδωμεν ει ερχεται Ηλειας καθελειν αυτον.
37ο δε Ιησους αφεις φωνην μεγαλην εξεπνευσεν.
38Και το καταπετασμα του ναου εσχισθη εις δυο απ ανωθεν εως κατω.
39Ιδων δε ο κεντυριων ο παρεστηκως εξ εναντιας αυτου οτι ουτως εξεπνευσεν, ειπεν Αληθως ουτος ο ανθρωπος Υιος Θεου ην.
40Ησαν δε και γυναικες απο μακροθεν θεωρουσαι, εν αις και Μαρια η Μαγδαληνη και Μαρια η Ιακωβου του μικρου και Ιωσητος μητηρ και Σαλωμη,
41αι οτε ην εν τῃ Γαλιλαιᾳ ηκολουθουν αυτῳ και διηκονουν αυτῳ, και αλλαι πολλαι αι συναναβασαι αυτῳ εις Ιεροσολυμα.
42Και ηδη οψιας γενομενης, επει ην Παρασκευη, ο εστιν προσαββατον,
43ελθων Ιωσηφ ο απο Αριμαθαιας, ευσχημων βουλευτης, ος και αυτος ην προσδεχομενος την βασιλειαν του Θεου, τολμησας εισηλθεν προς τον Πειλατον και ῃτησατο το σωμα του Ιησου.
44ο δε Πειλατος εθαυμασεν ει ηδη τεθνηκεν, και προσκαλεσαμενος τον κεντυριωνα επηρωτησεν αυτον ει παλαι απεθανεν·
45και γνους απο του κεντυριωνος εδωρησατο το πτωμα τῳ Ιωσηφ.
46και αγορασας σινδονα καθελων αυτον ενειλησεν τῃ σινδονι και κατεθηκεν αυτον εν μνηματι ο ην λελατομημενον εκ πετρας, και προσεκυλισεν λιθον επι την θυραν του μνημειου.
47η δε Μαρια η Μαγδαληνη και Μαρια η Ιωσητος εθεωρουν που τεθειται.