1Ιουδας Ιησου Χριστου δουλος, αδελφος δε Ιακωβου, τοις εν Θεῳ Πατρι ηγαπημενοις και Ιησου Χριστῳ τετηρημενοις κλητοις.
2ελεος υμιν και ειρηνη και αγαπη πληθυνθειη.
3Αγαπητοι, πασαν σπουδην ποιουμενος γραφειν υμιν περι της κοινης ημων σωτηριας, αναγκην εσχον γραψαι υμιν παρακαλων επαγωνιζεσθαι τῃ απαξ παραδοθεισῃ τοις αγιοις πιστει.
4παρεισεδυησαν γαρ τινες ανθρωποι, οι παλαι προγεγραμμενοι εις τουτο το κριμα, ασεβεις, την του Θεου ημων χαριτα μετατιθεντες εις ασελγειαν και τον μονον Δεσποτην και Κυριον ημων Ιησουν Χριστον αρνουμενοι.
5Υπομνησαι δε υμας βουλομαι, ειδοτας απαξ παντα, οτι Κυριος λαον εκ γης Αιγυπτου σωσας το δευτερον τους μη πιστευσαντας απωλεσεν,
6αγγελους τε τους μη τηρησαντας την εαυτων αρχην αλλα απολιποντας το ιδιον οικητηριον εις κρισιν μεγαλης ημερας δεσμοις αιδιοις υπο ζοφον τετηρηκεν·
7ως Σοδομα και Γομορρα και αι περι αυτας πολεις, τον ομοιον τροπον τουτοις εκπορνευσασαι και απελθουσαι οπισω σαρκος ετερας, προκεινται δειγμα πυρος αιωνιου δικην υπεχουσαι.
8Ομοιως μεντοι και ουτοι ενυπνιαζομενοι σαρκα μεν μιαινουσιν, κυριοτητα δε αθετουσιν, δοξας δε βλασφημουσιν.
9ο δε Μιχαηλ ο αρχαγγελος, οτε τῳ διαβολῳ διακρινομενος διελεγετο περι του Μωυσεως σωματος, ουκ ετολμησεν κρισιν επενεγκειν βλασφημιας, αλλα ειπεν Επιτιμησαι σοι Κυριος.
10ουτοι δε οσα μεν ουκ οιδασιν βλασφημουσιν, οσα δε φυσικως ως τα αλογα ζῳα επιστανται, εν τουτοις φθειρονται.
11ουαι αυτοις, οτι τῃ οδῳ του Καιν επορευθησαν, και τῃ πλανῃ του Βαλααμ μισθου εξεχυθησαν, και τῃ αντιλογιᾳ του Κορε απωλοντο.
12Ουτοι εισιν οι εν ταις αγαπαις υμων σπιλαδες συνευωχουμενοι αφοβως, εαυτους ποιμαινοντες, νεφελαι ανυδροι υπο ανεμων παραφερομεναι, δενδρα φθινοπωρινα ακαρπα δις αποθανοντα εκριζωθεντα,
13κυματα αγρια θαλασσης επαφριζοντα τας εαυτων αισχυνας, αστερες πλανηται, οις ο ζοφος του σκοτους εις αιωνα τετηρηται.
14Επροφητευσεν δε και τουτοις εβδομος απο Αδαμ Ενωχ λεγων Ιδου ηλθεν Κυριος εν αγιαις μυριασιν αυτου,
15ποιησαι κρισιν κατα παντων και ελεγξαι παντας τους ασεβεις περι παντων των εργων ασεβειας αυτων ων ησεβησαν και περι παντων των σκληρων ων ελαλησαν κατ αυτου αμαρτωλοι ασεβεις.
16Ουτοι εισιν γογγυσται, μεμψιμοιροι, κατα τας επιθυμιας αυτων πορευομενοι, και το στομα αυτων λαλει υπερογκα, θαυμαζοντες προσωπα ωφελειας χαριν.
17Υμεις δε, αγαπητοι, μνησθητε των ρηματων των προειρημενων υπο των αποστολων του Κυριου ημων Ιησου Χριστου,
18οτι ελεγον υμιν Επ εσχατου του χρονου εσονται εμπαικται κατα τας εαυτων επιθυμιας πορευομενοι των ασεβειων.
19Ουτοι εισιν οι αποδιοριζοντες, ψυχικοι, Πνευμα μη εχοντες.
20υμεις δε, αγαπητοι, εποικοδομουντες εαυτους τῃ αγιωτατῃ υμων πιστει, εν Πνευματι Αγιῳ προσευχομενοι,
21εαυτους εν αγαπῃ Θεου τηρησατε, προσδεχομενοι το ελεος του Κυριου ημων Ιησου Χριστου εις ζωην αιωνιον.
22και ους μεν ελεατε διακρινομενους
23σῳζετε εκ πυρος αρπαζοντες, ους δε ελεατε εν φοβῳ, μισουντες και τον απο της σαρκος εσπιλωμενον χιτωνα.
24Τῳ δε δυναμενῳ φυλαξαι υμας απταιστους και στησαι κατενωπιον της δοξης αυτου αμωμους εν αγαλλιασει,
25μονῳ Θεῳ Σωτηρι ημων δια Ιησου Χριστου του Κυριου ημων δοξα μεγαλωσυνη κρατος και εξουσια προ παντος του αιωνος και νυν και εις παντας τους αιωνας· αμην.