1Αγε νυν οι πλουσιοι, κλαυσατε ολολυζοντες επι ταις ταλαιπωριαις υμων ταις επερχομεναις. 2ο πλουτος υμων σεσηπεν, και τα ιματια υμων σητοβρωτα γεγονεν, 3ο χρυσος υμων και ο αργυρος κατιωται, και ο ιος αυτων εις μαρτυριον υμιν εσται και φαγεται τας σαρκας υμων ως πυρ. εθησαυρισατε εν εσχαταις ημεραις. 4ιδου ο μισθος των εργατων των αμησαντων τας χωρας υμων ο αφυστερημενος αφ υμων κραζει, και αι βοαι των θερισαντων εις τα ωτα Κυριου Σαβαωθ εισεληλυθαν. 5ετρυφησατε επι της γης και εσπαταλησατε, εθρεψατε τας καρδιας υμων εν ημερᾳ σφαγης. 6κατεδικασατε, εφονευσατε τον δικαιον· ουκ αντιτασσεται υμιν. 7Μακροθυμησατε ουν, αδελφοι, εως της παρουσιας του Κυριου. ιδου ο γεωργος εκδεχεται τον τιμιον καρπον της γης, μακροθυμων επ αυτῳ εως λαβῃ προιμον και οψιμον. 8μακροθυμησατε και υμεις, στηριξατε τας καρδιας υμων, οτι η παρουσια του Κυριου ηγγικεν. 9μη στεναζετε, αδελφοι, κατ αλληλων, ινα μη κριθητε· ιδου ο κριτης προ των θυρων εστηκεν. 10υποδειγμα λαβετε, αδελφοι, της κακοπαθειας και της μακροθυμιας τους προφητας, οι ελαλησαν εν τῳ ονοματι Κυριου. 11ιδου μακαριζομεν τους υπομειναντας· την υπομονην Ιωβ ηκουσατε, και το τελος Κυριου ειδετε, οτι πολυσπλαγχνος εστιν ο Κυριος και οικτιρμων. 12Προ παντων δε, αδελφοι μου, μη ομνυετε, μητε τον ουρανον μητε την γην μητε αλλον τινα ορκον· ητω δε υμων το Ναι ναι, και το Ου ου, ινα μη υπο κρισιν πεσητε. 13Κακοπαθει τις εν υμιν; προσευχεσθω· ευθυμει τις; ψαλλετω. 14ασθενει τις εν υμιν; προσκαλεσασθω τους πρεσβυτερους της εκκλησιας, και προσευξασθωσαν επ αυτον αλειψαντες ελαιῳ εν τῳ ονοματι του Κυριου. 15και η ευχη της πιστεως σωσει τον καμνοντα, και εγερει αυτον ο Κυριος· καν αμαρτιας ῃ πεποιηκως, αφεθησεται αυτῳ. 16εξομολογεισθε ουν αλληλοις τας αμαρτιας, και προσευχεσθε υπερ αλληλων, οπως ιαθητε. πολυ ισχυει δεησις δικαιου ενεργουμενη. 17Ηλειας ανθρωπος ην ομοιοπαθης ημιν, και προσευχῃ προσηυξατο του μη βρεξαι, και ουκ εβρεξεν επι της γης ενιαυτους τρεις και μηνας εξ· 18και παλιν προσηυξατο, και ο ουρανος υετον εδωκεν και η γη εβλαστησεν τον καρπον αυτης. 19Αδελφοι μου, εαν τις εν υμιν πλανηθῃ απο της αληθειας και επιστρεψῃ τις αυτον, 20γινωσκετε οτι ο επιστρεψας αμαρτωλον εκ πλανης οδου αυτου σωσει ψυχην αυτου εκ θανατου και καλυψει πληθος αμαρτιων.