1Αδελφοι μου, μη εν προσωπολημψιαις εχετε την πιστιν του Κυριου ημων Ιησου Χριστου της δοξης. 2εαν γαρ εισελθῃ εις συναγωγην υμων ανηρ χρυσοδακτυλιος εν εσθητι λαμπρᾳ, εισελθῃ δε και πτωχος εν ρυπαρᾳ εσθητι, 3επιβλεψητε δε επι τον φορουντα την εσθητα την λαμπραν και ειπητε Συ καθου ωδε καλως, και τῳ πτωχῳ ειπητε Συ στηθι εκει η καθου υπο το υποποδιον μου, 4ου διεκριθητε εν εαυτοις και εγενεσθε κριται διαλογισμων πονηρων; 5Ακουσατε, αδελφοι μου αγαπητοι. ουχ ο Θεος εξελεξατο τους πτωχους τῳ κοσμῳ πλουσιους εν πιστει και κληρονομους της βασιλειας ης επηγγειλατο τοις αγαπωσιν αυτον; 6υμεις δε ητιμασατε τον πτωχον. ουχ οι πλουσιοι καταδυναστευουσιν υμων, και αυτοι ελκουσιν υμας εις κριτηρια; 7ουκ αυτοι βλασφημουσιν το καλον ονομα το επικληθεν εφ υμας; 8ει μεντοι νομον τελειτε βασιλικον κατα την γραφην Αγαπησεις τον πλησιον σου ως σεαυτον, καλως ποιειτε· 9ει δε προσωπολημπτειτε, αμαρτιαν εργαζεσθε, ελεγχομενοι υπο του νομου ως παραβαται. 10οστις γαρ ολον τον νομον τηρησῃ, πταισῃ δε εν ενι, γεγονεν παντων ενοχος. 11ο γαρ ειπων Μη μοιχευσῃς, ειπεν και Μη φονευσῃς· ει δε ου μοιχευεις, φονευεις δε, γεγονας παραβατης νομου. 12ουτως λαλειτε και ουτως ποιειτε ως δια νομου ελευθεριας μελλοντες κρινεσθαι. 13η γαρ κρισις ανελεος τῳ μη ποιησαντι ελεος· κατακαυχαται ελεος κρισεως. 14Τι το οφελος, αδελφοι μου, εαν πιστιν λεγῃ τις εχειν εργα δε μη εχῃ; μη δυναται η πιστις σωσαι αυτον; 15εαν αδελφος η αδελφη γυμνοι υπαρχωσιν και λειπομενοι της εφημερου τροφης, 16ειπῃ δε τις αυτοις εξ υμων Υπαγετε εν ειρηνῃ, θερμαινεσθε και χορταζεσθε, μη δωτε δε αυτοις τα επιτηδεια του σωματος, τι το οφελος; 17ουτως και η πιστις, εαν μη εχῃ εργα, νεκρα εστιν καθ εαυτην. 18αλλ ερει τις Συ πιστιν εχεις, καγω εργα εχω· δειξον μοι την πιστιν σου χωρις των εργων, καγω σοι δειξω εκ των εργων μου την πιστιν. 19συ πιστευεις οτι εις εστιν ο Θεος; καλως ποιεις· και τα δαιμονια πιστευουσιν και φρισσουσιν. 20θελεις δε γνωναι, ω ανθρωπε κενε, οτι η πιστις χωρις των εργων αργη εστιν; 21Αβρααμ ο πατηρ ημων ουκ εξ εργων εδικαιωθη, ανενεγκας Ισαακ τον υιον αυτου επι το θυσιαστηριον; 22βλεπεις οτι η πιστις συνηργει τοις εργοις αυτου, και εκ των εργων η πιστις ετελειωθη, 23και επληρωθη η γραφη η λεγουσα Επιστευσεν δε Αβρααμ τῳ Θεῳ, και ελογισθη αυτῳ εις δικαιοσυνην, και φιλος Θεου εκληθη. 24ορατε οτι εξ εργων δικαιουται ανθρωπος και ουκ εκ πιστεως μονον. 25ομοιως δε και Ρααβ η πορνη ουκ εξ εργων εδικαιωθη, υποδεξαμενη τους αγγελους και ετερᾳ οδῳ εκβαλουσα; 26ωσπερ γαρ το σωμα χωρις πνευματος νεκρον εστιν, ουτως και η πιστις χωρις εργων νεκρα εστιν.