1Αδελφοι, εαν και προλημφθῃ ανθρωπος εν τινι παραπτωματι, υμεις οι πνευματικοι καταρτιζετε τον τοιουτον εν πνευματι πραυτητος, σκοπων σεαυτον, μη και συ πειρασθῃς. 2Αλληλων τα βαρη βασταζετε, και ουτως αναπληρωσετε τον νομον του Χριστου. 3ει γαρ δοκει τις ειναι τι μηδεν ων, φρεναπατᾳ εαυτον. 4το δε εργον εαυτου δοκιμαζετω εκαστος, και τοτε εις εαυτον μονον το καυχημα εξει και ουκ εις τον ετερον· 5εκαστος γαρ το ιδιον φορτιον βαστασει. 6Κοινωνειτω δε ο κατηχουμενος τον λογον τῳ κατηχουντι εν πασιν αγαθοις. 7Μη πλανασθε, Θεος ου μυκτηριζεται. ο γαρ εαν σπειρῃ ανθρωπος, τουτο και θερισει· 8οτι ο σπειρων εις την σαρκα εαυτου εκ της σαρκος θερισει φθοραν, ο δε σπειρων εις το Πνευμα εκ του Πνευματος θερισει ζωην αιωνιον. 9το δε καλον ποιουντες μη ενκακωμεν· καιρῳ γαρ ιδιῳ θερισομεν μη εκλυομενοι. 10Αρα ουν ως καιρον εχωμεν, εργαζωμεθα το αγαθον προς παντας, μαλιστα δε προς τους οικειους της πιστεως. 11Ιδετε πηλικοις υμιν γραμμασιν εγραψα τῃ εμῃ χειρι. 12Οσοι θελουσιν ευπροσωπησαι εν σαρκι, ουτοι αναγκαζουσιν υμας περιτεμνεσθαι, μονον ινα τῳ σταυρῳ του Χριστου μη διωκωνται. 13ουδε γαρ οι περιτεμνομενοι αυτοι νομον φυλασσουσιν, αλλα θελουσιν υμας περιτεμνεσθαι ινα εν τῃ υμετερᾳ σαρκι καυχησωνται. 14εμοι δε μη γενοιτο καυχασθαι ει μη εν τῳ σταυρῳ του Κυριου ημων Ιησου Χριστου, δι ου εμοι κοσμος εσταυρωται καγω κοσμῳ. 15ουτε γαρ περιτομη τι εστιν ουτε ακροβυστια, αλλα καινη κτισις. 16και οσοι τῳ κανονι τουτῳ στοιχησουσιν, ειρηνη επ αυτους και ελεος, και επι τον Ισραηλ του Θεου. 17Του λοιπου κοπους μοι μηδεις παρεχετω· εγω γαρ τα στιγματα του Ιησου εν τῳ σωματι μου βασταζω. 18Η χαρις του Κυριου ημων Ιησου Χριστου μετα του πνευματος υμων, αδελφοι· αμην.