1Τῃ ελευθεριᾳ ημας Χριστος ηλευθερωσεν· στηκετε ουν και μη παλιν ζυγῳ δουλειας ενεχεσθε.
2Ιδε εγω Παυλος λεγω υμιν οτι εαν περιτεμνησθε Χριστος υμας ουδεν ωφελησει.
3μαρτυρομαι δε παλιν παντι ανθρωπῳ περιτεμνομενῳ οτι οφειλετης εστιν ολον τον νομον ποιησαι.
4κατηργηθητε απο Χριστου οιτινες εν νομῳ δικαιουσθε, της χαριτος εξεπεσατε.
5ημεις γαρ Πνευματι εκ πιστεως ελπιδα δικαιοσυνης απεκδεχομεθα.
6εν γαρ Χριστῳ Ιησου ουτε περιτομη τι ισχυει ουτε ακροβυστια, αλλα πιστις δι αγαπης ενεργουμενη.
7Ετρεχετε καλως· τις υμας ενεκοψεν αληθειᾳ μη πειθεσθαι;
8η πεισμονη ουκ εκ του καλουντος υμας.
9μικρα ζυμη ολον το φυραμα ζυμοι.
10εγω πεποιθα εις υμας εν Κυριῳ οτι ουδεν αλλο φρονησετε· ο δε ταρασσων υμας βαστασει το κριμα, οστις εαν ῃ.
11Εγω δε, αδελφοι, ει περιτομην ετι κηρυσσω, τι ετι διωκομαι; αρα κατηργηται το σκανδαλον του σταυρου.
12Οφελον και αποκοψονται οι αναστατουντες υμας.
13Υμεις γαρ επ ελευθεριᾳ εκληθητε, αδελφοι· μονον μη την ελευθεριαν εις αφορμην τῃ σαρκι, αλλα δια της αγαπης δουλευετε αλληλοις.
14ο γαρ πας νομος εν ενι λογῳ πεπληρωται, εν τῳ Αγαπησεις τον πλησιον σου ως σεαυτον.
15ει δε αλληλους δακνετε και κατεσθιετε, βλεπετε μη υπ αλληλων αναλωθητε.
16Λεγω δε, Πνευματι περιπατειτε και επιθυμιαν σαρκος ου μη τελεσητε.
17η γαρ σαρξ επιθυμει κατα του Πνευματος, το δε Πνευμα κατα της σαρκος, ταυτα γαρ αλληλοις αντικειται, ινα μη α εαν θελητε ταυτα ποιητε.
18ει δε Πνευματι αγεσθε, ουκ εστε υπο νομον.
19φανερα δε εστιν τα εργα της σαρκος, ατινα εστιν πορνεια, ακαθαρσια, ασελγεια,
20ειδωλολατρεια, φαρμακεια, εχθραι, ερις, ζηλος, θυμοι, εριθειαι, διχοστασιαι, αιρεσεις,
21φθονοι, μεθαι, κωμοι, και τα ομοια τουτοις, α προλεγω υμιν καθως προειπον οτι οι τα τοιαυτα πρασσοντες βασιλειαν Θεου ου κληρονομησουσιν.
22ο δε καρπος του Πνευματος εστιν αγαπη, χαρα, ειρηνη, μακροθυμια, χρηστοτης, αγαθωσυνη, πιστις,
23πραυτης, εγκρατεια· κατα των τοιουτων ουκ εστιν νομος.
24οι δε του Χριστου Ιησου την σαρκα εσταυρωσαν συν τοις παθημασιν και ταις επιθυμιαις.
25Ει ζωμεν Πνευματι, Πνευματι και στοιχωμεν.
26μη γινωμεθα κενοδοξοι, αλληλους προκαλουμενοι, αλληλοις φθονουντες.