1Ω ανοητοι Γαλαται, τις υμας εβασκανεν, οις κατ οφθαλμους Ιησους Χριστος προεγραφη εσταυρωμενος;
2τουτο μονον θελω μαθειν αφ υμων, εξ εργων νομου το Πνευμα ελαβετε η εξ ακοης πιστεως;
3ουτως ανοητοι εστε; εναρξαμενοι Πνευματι νυν σαρκι επιτελεισθε;
4τοσαυτα επαθετε εικῃ; ει γε και εικῃ.
5ο ουν επιχορηγων υμιν το Πνευμα και ενεργων δυναμεις εν υμιν, εξ εργων νομου η εξ ακοης πιστεως;
6καθως Αβρααμ επιστευσεν τῳ Θεῳ, και ελογισθη αυτῳ εις δικαιοσυνην.
7Γινωσκετε αρα οτι οι εκ πιστεως, ουτοι υιοι εισιν Αβρααμ.
8προιδουσα δε η γραφη οτι εκ πιστεως δικαιοι τα εθνη ο Θεος, προευηγγελισατο τῳ Αβρααμ οτι Ενευλογηθησονται εν σοι παντα τα εθνη.
9ωστε οι εκ πιστεως ευλογουνται συν τῳ πιστῳ Αβρααμ.
10Οσοι γαρ εξ εργων νομου εισιν, υπο καταραν εισιν, γεγραπται γαρ οτι Επικαταρατος πας ος ουκ εμμενει πασιν τοις γεγραμμενοις εν τῳ βιβλιῳ του νομου του ποιησαι αυτα.
11οτι δε εν νομῳ ουδεις δικαιουται παρα τῳ Θεῳ δηλον, οτι Ο δικαιος εκ πιστεως ζησεται·
12ο δε νομος ουκ εστιν εκ πιστεως, αλλ Ο ποιησας αυτα ζησεται εν αυτοις.
13Χριστος ημας εξηγορασεν εκ της καταρας του νομου γενομενος υπερ ημων καταρα, οτι γεγραπται Επικαταρατος πας ο κρεμαμενος επι ξυλου,
14ινα εις τα εθνη η ευλογια του Αβρααμ γενηται εν Ιησου Χριστῳ, ινα την επαγγελιαν του Πνευματος λαβωμεν δια της πιστεως.
15Αδελφοι, κατα ανθρωπον λεγω. ομως ανθρωπου κεκυρωμενην διαθηκην ουδεις αθετει η επιδιατασσεται.
16τῳ δε Αβρααμ ερρεθησαν αι επαγγελιαι και τῳ σπερματι αυτου. ου λεγει Και τοις σπερμασιν, ως επι πολλων, αλλ ως εφ ενος Και τῳ σπερματι σου, ος εστιν Χριστος.
17τουτο δε λεγω· διαθηκην προκεκυρωμενην υπο του Θεου ο μετα τετρακοσια και τριακοντα ετη γεγονως νομος ουκ ακυροι, εις το καταργησαι την επαγγελιαν.
18ει γαρ εκ νομου η κληρονομια, ουκετι εξ επαγγελιας· τῳ δε Αβρααμ δι επαγγελιας κεχαρισται ο Θεος.
19Τι ουν ο νομος; των παραβασεων χαριν προσετεθη, αχρις αν ελθῃ το σπερμα ῳ επηγγελται, διαταγεις δι αγγελων εν χειρι μεσιτου.
20ο δε μεσιτης ενος ουκ εστιν, ο δε Θεος εις εστιν.
21ο ουν νομος κατα των επαγγελιων του Θεου; μη γενοιτο. ει γαρ εδοθη νομος ο δυναμενος ζωοποιησαι, οντως εκ νομου αν ην η δικαιοσυνη·
22αλλα συνεκλεισεν η γραφη τα παντα υπο αμαρτιαν ινα η επαγγελια εκ πιστεως Ιησου Χριστου δοθῃ τοις πιστευουσιν.
23Προ του δε ελθειν την πιστιν υπο νομον εφρουρουμεθα συνκλειομενοι εις την μελλουσαν πιστιν αποκαλυφθηναι.
24ωστε ο νομος παιδαγωγος ημων γεγονεν εις Χριστον, ινα εκ πιστεως δικαιωθωμεν·
25ελθουσης δε της πιστεως ουκετι υπο παιδαγωγον εσμεν.
26Παντες γαρ υιοι Θεου εστε δια της πιστεως εν Χριστῳ Ιησου·
27οσοι γαρ εις Χριστον εβαπτισθητε, Χριστον ενεδυσασθε.
28ουκ ενι Ιουδαιος ουδε Ελλην, ουκ ενι δουλος ουδε ελευθερος, ουκ ενι αρσεν και θηλυ· παντες γαρ υμεις εις εστε εν Χριστῳ Ιησου.
29ει δε υμεις Χριστου, αρα του Αβρααμ σπερμα εστε, κατ επαγγελιαν κληρονομοι.