1Τα τεκνα, υπακουετε τοις γονευσιν υμων εν Κυριῳ· τουτο γαρ εστιν δικαιον. 2τιμα τον πατερα σου και την μητερα, ητις εστιν εντολη πρωτη εν επαγγελιᾳ, 3ινα ευ σοι γενηται και εσῃ μακροχρονιος επι της γης. 4Και οι πατερες, μη παροργιζετε τα τεκνα υμων, αλλα εκτρεφετε αυτα εν παιδειᾳ και νουθεσιᾳ Κυριου. 5Οι δουλοι, υπακουετε τοις κατα σαρκα κυριοις μετα φοβου και τρομου εν απλοτητι της καρδιας υμων ως τῳ Χριστῳ, 6μη κατ οφθαλμοδουλιαν ως ανθρωπαρεσκοι, αλλ ως δουλοι Χριστου ποιουντες το θελημα του Θεου εκ ψυχης, 7μετ ευνοιας δουλευοντες, ως τῳ Κυριῳ και ουκ ανθρωποις, 8ειδοτες οτι εκαστος εαν τι ποιησῃ αγαθον, τουτο κομισεται παρα Κυριου, ειτε δουλος ειτε ελευθερος. 9Και οι κυριοι, τα αυτα ποιειτε προς αυτους, ανιεντες την απειλην, ειδοτες οτι και αυτων και υμων ο Κυριος εστιν εν ουρανοις, και προσωπολημψια ουκ εστιν παρ αυτῳ. 10Του λοιπου, ενδυναμουσθε εν Κυριῳ και εν τῳ κρατει της ισχυος αυτου. 11ενδυσασθε την πανοπλιαν του Θεου προς το δυνασθαι υμας στηναι προς τας μεθοδιας του διαβολου· 12οτι ουκ εστιν ημιν η παλη προς αιμα και σαρκα, αλλα προς τας αρχας, προς τας εξουσιας, προς τους κοσμοκρατορας του σκοτους τουτου, προς τα πνευματικα της πονηριας εν τοις επουρανιοις. 13δια τουτο αναλαβετε την πανοπλιαν του Θεου, ινα δυνηθητε αντιστηναι εν τῃ ημερᾳ τῃ πονηρᾳ και απαντα κατεργασαμενοι στηναι. 14στητε ουν περιζωσαμενοι την οσφυν υμων εν αληθειᾳ, και ενδυσαμενοι τον θωρακα της δικαιοσυνης, 15και υποδησαμενοι τους ποδας εν ετοιμασιᾳ του ευαγγελιου της ειρηνης, 16εν πασιν αναλαβοντες τον θυρεον της πιστεως, εν ῳ δυνησεσθε παντα τα βελη του πονηρου τα πεπυρωμενα σβεσαι· 17και την περικεφαλαιαν του σωτηριου δεξασθε, και την μαχαιραν του Πνευματος, ο εστιν ρημα Θεου, 18δια πασης προσευχης και δεησεως, προσευχομενοι εν παντι καιρῳ εν Πνευματι, και εις αυτο αγρυπνουντες εν πασῃ προσκαρτερησει και δεησει περι παντων των αγιων, 19και υπερ εμου, ινα μοι δοθῃ λογος εν ανοιξει του στοματος μου, εν παρρησιᾳ γνωρισαι το μυστηριον του ευαγγελιου, 20υπερ ου πρεσβευω εν αλυσει, ινα εν αυτῳ παρρησιασωμαι ως δει με λαλησαι. 21Ινα δε ειδητε και υμεις τα κατ εμε, τι πρασσω, παντα γνωρισει υμιν Τυχικος ο αγαπητος αδελφος και πιστος διακονος εν Κυριῳ, 22ον επεμψα προς υμας εις αυτο τουτο, ινα γνωτε τα περι ημων και παρακαλεσῃ τας καρδιας υμων. 23Ειρηνη τοις αδελφοις και αγαπη μετα πιστεως απο Θεου Πατρος και Κυριου Ιησου Χριστου. 24η χαρις μετα παντων των αγαπωντων τον Κυριον ημων Ιησουν Χριστον εν αφθαρσιᾳ.