1γινεσθε ουν μιμηται του Θεου, ως τεκνα αγαπητα, 2και περιπατειτε εν αγαπῃ, καθως και ο Χριστος ηγαπησεν υμας και παρεδωκεν εαυτον υπερ ημων προσφοραν και θυσιαν τῳ Θεῳ εις οσμην ευωδιας. 3Πορνεια δε και ακαθαρσια πασα η πλεονεξια μηδε ονομαζεσθω εν υμιν, καθως πρεπει αγιοις, 4και αισχροτης και μωρολογια η ευτραπελια, α ουκ ανηκεν, αλλα μαλλον ευχαριστια. 5τουτο γαρ ιστε γινωσκοντες, οτι πας πορνος η ακαθαρτος η πλεονεκτης, ο εστιν ειδωλολατρης, ουκ εχει κληρονομιαν εν τῃ βασιλειᾳ του Χριστου και Θεου. 6Μηδεις υμας απατατω κενοις λογοις· δια ταυτα γαρ ερχεται η οργη του Θεου επι τους υιους της απειθειας. 7μη ουν γινεσθε συνμετοχοι αυτων· 8ητε γαρ ποτε σκοτος, νυν δε φως εν Κυριῳ· ως τεκνα φωτος περιπατειτε, 9—ο γαρ καρπος του φωτος εν πασῃ αγαθωσυνῃ και δικαιοσυνῃ και αληθειᾳ, 10—δοκιμαζοντες τι εστιν ευαρεστον τῳ Κυριῳ, 11και μη συνκοινωνειτε τοις εργοις τοις ακαρποις του σκοτους, μαλλον δε και ελεγχετε, 12τα γαρ κρυφῃ γινομενα υπ αυτων αισχρον εστιν και λεγειν· 13τα δε παντα ελεγχομενα υπο του φωτος φανερουται· παν γαρ το φανερουμενον φως εστιν. 14διο λεγει Εγειρε, ο καθευδων, και αναστα εκ των νεκρων, και επιφαυσει σοι ο Χριστος. 15Βλεπετε ουν ακριβως πως περιπατειτε, μη ως ασοφοι αλλ ως σοφοι, 16εξαγοραζομενοι τον καιρον, οτι αι ημεραι πονηραι εισιν. 17δια τουτο μη γινεσθε αφρονες, αλλα συνιετε τι το θελημα του Κυριου. 18και μη μεθυσκεσθε οινῳ, εν ῳ εστιν ασωτια, αλλα πληρουσθε εν Πνευματι, 19λαλουντες εαυτοις ψαλμοις και υμνοις και ῳδαις πνευματικαις, ᾳδοντες και ψαλλοντες τῃ καρδιᾳ υμων τῳ Κυριῳ, 20ευχαριστουντες παντοτε υπερ παντων εν ονοματι του Κυριου ημων Ιησου Χριστου τῳ Θεῳ και Πατρι, 21υποτασσομενοι αλληλοις εν φοβῳ Χριστου. 22Αι γυναικες τοις ιδιοις ανδρασιν ως τῳ Κυριῳ, 23οτι ανηρ εστιν κεφαλη της γυναικος ως και ο Χριστος κεφαλη της εκκλησιας, αυτος σωτηρ του σωματος. 24αλλα ως η εκκλησια υποτασσεται τῳ Χριστῳ, ουτως και αι γυναικες τοις ανδρασιν εν παντι. 25Οι ανδρες, αγαπατε τας γυναικας, καθως και ο Χριστος ηγαπησεν την εκκλησιαν και εαυτον παρεδωκεν υπερ αυτης, 26ινα αυτην αγιασῃ καθαρισας τῳ λουτρῳ του υδατος εν ρηματι, 27ινα παραστησῃ αυτος εαυτῳ ενδοξον την εκκλησιαν, μη εχουσαν σπιλον η ρυτιδα η τι των τοιουτων, αλλ ινα ῃ αγια και αμωμος. 28ουτως οφειλουσιν και οι ανδρες αγαπαν τας εαυτων γυναικας ως τα εαυτων σωματα. ο αγαπων την εαυτου γυναικα εαυτον αγαπᾳ· 29ουδεις γαρ ποτε την εαυτου σαρκα εμισησεν, αλλα εκτρεφει και θαλπει αυτην, καθως και ο Χριστος την εκκλησιαν, 30οτι μελη εσμεν του σωματος αυτου. 31αντι τουτου καταλειψει ανθρωπος τον πατερα και την μητερα και προσκολληθησεται προς την γυναικα αυτου, και εσονται οι δυο εις σαρκα μιαν. 32το μυστηριον τουτο μεγα εστιν, εγω δε λεγω εις Χριστον και εις την εκκλησιαν. 33πλην και υμεις οι καθ ενα εκαστος την εαυτου γυναικα ουτως αγαπατω ως εαυτον, η δε γυνη ινα φοβηται τον ανδρα.