1Τουτου χαριν εγω Παυλος ο δεσμιος του Χριστου Ιησου υπερ υμων των εθνων— 2ει γε ηκουσατε την οικονομιαν της χαριτος του Θεου της δοθεισης μοι εις υμας, 3οτι κατα αποκαλυψιν εγνωρισθη μοι το μυστηριον, καθως προεγραψα εν ολιγῳ, 4προς ο δυνασθε αναγινωσκοντες νοησαι την συνεσιν μου εν τῳ μυστηριῳ του Χριστου, 5ο ετεραις γενεαις ουκ εγνωρισθη τοις υιοις των ανθρωπων ως νυν απεκαλυφθη τοις αγιοις αποστολοις αυτου και προφηταις εν Πνευματι, 6ειναι τα εθνη συνκληρονομα και συνσωμα και συνμετοχα της επαγγελιας εν Χριστῳ Ιησου δια του ευαγγελιου, 7ου εγενηθην διακονος κατα την δωρεαν της χαριτος του Θεου της δοθεισης μοι κατα την ενεργειαν της δυναμεως αυτου. 8εμοι τῳ ελαχιστοτερῳ παντων αγιων εδοθη η χαρις αυτη, τοις εθνεσιν ευαγγελισασθαι το ανεξιχνιαστον πλουτος του Χριστου, 9και φωτισαι τις η οικονομια του μυστηριου του αποκεκρυμμενου απο των αιωνων εν τῳ Θεῳ τῳ τα παντα κτισαντι, 10ινα γνωρισθῃ νυν ταις αρχαις και ταις εξουσιαις εν τοις επουρανιοις δια της εκκλησιας η πολυποικιλος σοφια του Θεου, 11κατα προθεσιν των αιωνων ην εποιησεν εν τῳ Χριστῳ Ιησου τῳ Κυριῳ ημων, 12εν ῳ εχομεν την παρρησιαν και προσαγωγην εν πεποιθησει δια της πιστεως αυτου. 13διο αιτουμαι μη ενκακειν εν ταις θλιψεσιν μου υπερ υμων, ητις εστιν δοξα υμων. 14Τουτου χαριν καμπτω τα γονατα μου προς τον Πατερα, 15εξ ου πασα πατρια εν ουρανοις και επι γης ονομαζεται, 16ινα δῳ υμιν κατα το πλουτος της δοξης αυτου δυναμει κραταιωθηναι δια του Πνευματος αυτου εις τον εσω ανθρωπον, 17κατοικησαι τον Χριστον δια της πιστεως εν ταις καρδιαις υμων, εν αγαπῃ ερριζωμενοι και τεθεμελιωμενοι, 18ινα εξισχυσητε καταλαβεσθαι συν πασιν τοις αγιοις τι το πλατος και μηκος και υψος και βαθος, 19γνωναι τε την υπερβαλλουσαν της γνωσεως αγαπην του Χριστου, ινα πληρωθητε εις παν το πληρωμα του Θεου. 20Τῳ δε δυναμενῳ υπερ παντα ποιησαι υπερεκπερισσου ων αιτουμεθα η νοουμεν κατα την δυναμιν την ενεργουμενην εν ημιν, 21αυτῳ η δοξα εν τῃ εκκλησιᾳ και εν Χριστῳ Ιησου εις πασας τας γενεας του αιωνος των αιωνων· αμην.